Sunday, June 16
Shadow

रोनाल्डोको दुई पेनाल्टी गोलले जिताउन सकेन युभेन्ट्सलाई, एटलान्टासँग बराबरीमा रोकियो


  • -इ
  • इ+

काठमाडौं । क्रिस्टियानो रोनाल्डोले पेनाल्टीबाट दुई गोल गर्दा पनि सिरी एमा लिग लिडर युभेन्ट्स तेस्रो स्थानको एटलान्टासँग बराबरीमा रोकिएको छ । रोनाल्डोले ९०औं मिनेटमा गोल गरेपछि युभेन्ट्सले एटलान्टासँग २-२ को बराबरी खेल्दै अंक बाँडेको हो ।

त्यसअघि दोस्रो लाजियो ससुलोसँग २-१ ले पराजित भएको थियो । यसले युभेन्ट्सलाई शीर्ष स्थानमा अग्रता बढाउने मौका थियो भने एटलान्टालाई दोस्रो स्थानमा उक्लन मौका थियो । तर दुवै टिमले बराबरीपछि १-१ अंक बाँडेका छन् । युभेन्ट्सले दुई पटक पछि परेको स्थिति उल्टाउँदै पुनरागमन गरेर बराबरी गरेको हो ।

युभेन्ट्सको मैदानमा भएको खेलमा डुभान जापाट्टाले १६औं मिनेटमा गोल गर्दै एटलान्टालाई अग्रता दिलाएका थिए । ५५औं मिनेटमा रोनाल्डोले पेनाल्टीमा गोल फर्काउदै खेल बराबरी गरे । ८१औं मिनेटमा रुस्लान मालिनोभ्स्कीले गोल गर्दै एटलान्टालाई २-१ को अग्रता दिलाए ।

एटलान्टा जित नजिक पुगेको बेला ९०औं मिनेटमा युभेन्ट्सले पेनाल्टी पायो र त्यसमा रोनाल्डोले गोल गर्दै खेल बराबरी गरे । जसबाट एटलान्टा जितबाट बन्चित रह्यो । लुइस मुरियलले ह्याण्ड गरेपछि युभेन्ट्सले पेनाल्टी पाएको थियो ।

बराबरीपछि युभेन्ट्स ३२ खेलबाट ७६ अंकसहित शीर्ष स्थानमै यथावत छ । समान खेलबाट ६७ अंक जोडेको एटलान्टा तेस्रो स्थानमा छ ।

उता दोस्रो स्थानको लाजियो ससुलोसँग पराजित हुँदा युभेन्ट्ससँग अंक छोट्याउने मौका गुमायो । लाजियोले अग्रता जोगाउन नसक्दा हार बेहोरेको हो ।

लुइस अर्बटोले ३३औं मिनेटमा गोल गर्दै लाजियोलाई अग्रता दिलाएका थिए । ५२औं मिनेटमा जियकोमो रासपाडोरीले लाजियोको लागि बराबरी गोल फर्काए । फ्रान्सेस्को कापुटोले इन्टुरी टाइममा गोल गरेपछि ससुलोले पुनरागमन जित हात पारेको हो ।

"Abhiyan Post!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र तथ्य र पल पलकाे खबरकालागि : अभियान पाेष्ट डटकम’  [Email : [email protected]]

     

प्रतिक्रिया दिनुहोस्