Thursday, May 23
Shadow

कोरोनाभाइरस भ्याक्सिनको जासूसी गरेको आरोपमा रुसको जवाफ


  • -इ
  • इ+

कोरोनाभाइरको भ्याक्सिनमाथि अनुसन्धान गर्ने एजेन्सीको जासुसी गरेको आरोपलाई बेलायतका लागि रुसका राजदूत आन्द्रेई केलिनले ठाडो अस्विकार गरेका छन् ।

बीबीसी वनले उनलाई प्रश्न सोध्यो, ‘यदि रुसले बेलायतको भ्याक्सिनमाथिको अनुसन्धान चोरिरहेको हो भने ?’

यसमा उनले भने, ‘मलाई यस्तो कुनै पनि हालतमा लाग्दैन र म यो कहानीमा विश्वास पनि गर्दिनँ ।’

साथै, केलिनले बेलायतको राजनीतिमा रुसले दखल दिएको आरोप पनि खारेज गरेका छन् ।

बिहिबार बेलायत, क्यानडा र अमेरिकाको गुप्तचर सेवा एजेन्सीले कोरोनाभाइरसको भ्याक्सिनमाथि काम गरिरहेको संगठनमाथि साइबर हमलाको पछाडि ‘निश्चित रुपमा’ रुसी जासुसको हात भएको भन्दै चेतावनी दिएका थिए ।

राजदूत केलिनले सेलिसबरी नर्व एजेन्ट अट्याकपछि उनको देश अब बेलायतसँगको ‘नयाँ सम्बन्धसहित अघि बढ्न चाहन्छ ।’

स्मरण रहोस्, पूर्व रुसी जासुस र उनकी छोरीलाई निशाना बनाएर गरिएको यो हमलामा पाँच व्यक्तिलाई उपचारका लागि अस्पतालमा भर्ना गर्नुपरेको थियो र एक व्यक्तिको मृत्यु भएको थियो ।

बीबीसी

"Abhiyan Post!"

यो नेपाली भाषाको डिजिटल पत्रिका हो । हामी तपाईंहरुका सामु छुट्टै महत्वका साथ समाचार पस्कन्छौं । साथै यसमा तपाईंहरुको सुझाव तथा प्रतिक्रियाको अपेक्षा गर्दछौं । ‘सत्य र तथ्य र पल पलकाे खबरकालागि : अभियान पाेष्ट डटकम’  [Email : [email protected]]

     

प्रतिक्रिया दिनुहोस्