सुन-चाँदीको मूल्यमा गिरावट: तोलामा ९०० रुपैयाँले घट्यो सुनको भाउ
सारांश
- नेपाली बजारमा मंगलबार सुनचाँदीको मूल्यमा गिरावट आएको छ।
- नेपाल सुनचाँदी व्यवसायी महासङ्घका अनुसार छापावाल सुन र चाँदी दुवैको मूल्य अघिल्लो दिनको तुलनामा घटेर कारोबार भइरहेको छ।
- मंगलबार छापावाल सुनको मूल्य प्रतितोला नौ सय रुपैयाँले घटेको छ।
नेपाली बजारमा मंगलबार सुनचाँदीको मूल्यमा गिरावट आएको छ। नेपाल सुनचाँदी व्यवसायी महासङ्घका अनुसार छापावाल सुन र चाँदी दुवैको मूल्य अघिल्लो दिनको तुलनामा घटेर कारोबार भइरहेको छ।
मंगलबार छापावाल सुनको मूल्य प्रतितोला नौ सय रुपैयाँले घटेको छ। यस गिरावटसँगै आज बजारमा सुन प्रतितोला तीन लाख १०० रुपैयाँ कायम भई कारोबार भइरहेको महासङ्घले जनाएको छ।
अघिल्लो कारोबार दिन अर्थात् सोमबार भने छापावाल सुनको मूल्य प्रतितोला तीन लाख एक हजार रुपैयाँ कायम रहेको थियो।
सुनसँगै चाँदीको मूल्यमा पनि मंगलबार मन्दी देखिएको छ। अघिल्लो दिनको तुलनामा आज चाँदी प्रतितोला २० रुपैयाँले घटेर चार हजार ६०० रुपैयाँ कायम भएको व्यवसायीहरूले बताएका छन्।
सोमबार चाँदी प्रतितोला चार हजार छ सय २० रुपैयाँमा खरिदबिक्री भएको थियो। अन्तर्राष्ट्रिय बजारको उतारचढाव र स्थानीय मागका आधारमा महासङ्घले दैनिक रूपमा यस्ता बहुमूल्य धातुको नयाँ मूल्य निर्धारण गर्दै आएको छ।
कुल कमेन्ट:
0
Asmita Ramtel
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया