संसारकै महंगो कार, तर १२ जनाले मात्रै किन्न पाउने

कार्लमन किङ संसारकै महँगो एसयुभी (स्पोर्टस् युटिलिटी भेइकल) हो । यो कार जति आकर्षक छ, त्यति नै वजनदार समेत छ । कार्लमन किङको मूल्य २२ लाख अमेरिकी डलरबाट सुरु हुन्छ । अनौठो र आकर्षक डिजाइनसहितको एसयूभी ‘कार्लमन किङ’ गत वर्ष दुबईमा भएको इन्टरनेसनल मोटर शोमा सार्वजनिक भएको थियो ।

यो कारको पृथकता कायम राख्न कम्पनीले १२ वटामात्र उत्पादन गरेको छ । कार्लमन किङ चाइनिज अटोमोटिभ फर्म आइएटी अटोमोबाइल टेक्नोलोजीले डिजाइन गरेको हो । यो कार १ हजार ८ सय जना युरोपियनहरु सम्मिलित टोलीले निर्माण गरेको हो ।

उक्त कारको तौल ४.५ टन अर्थात् ४ हजार ५ सय किलो छ, जुन बढाएर ६ टनसम्म पु¥याउन सकिन्छ । ६ मिटर लामो सो एसयूभीमा चार जनामात्रै बस्न मिल्छ । यसको इन्टेरियर डिजाइन निकै विलासी बनाइएको छ, जसलाई रोल्स रोयस क्लास लक्जरी भनिएको छ । यसमा अल्ट्रा एचडी फोरके टिभी र फ्रिज, स्याटेलाइट फोनलगायतका सुविधा छन् ।

सो एसयूभीमा ६.८ लिटरको भी १० इन्जिन छ । जसले ४०० बीएचपीको पावर दिन्छ । सो कार प्रतिघण्टा १४० किलोमिटर गुड्न सक्छ । एजेन्सी

सामसुङले ल्यायो ५ हजार माइलसम्म कन्ट्रोल गर्न मिल्ने फाइभजी रिमोट कार
भारतमा इन्टरनेट कनेक्टेड एसयूभी लन्च भइरहेका छन् । एसयूभी सेगमेन्टमा एमजी हेक्टर र सब ४ मिटर एसयूभी सेगमेन्टमा हुन्डाई भेन्यु दुबै कनेक्टेड कार हुन् । यी गाडीमा ५जी ई–सिम बेस्ड टेक्नोलोजी समावेश गरिएको छ ।

हालै सामसुङले ५जी रिमोट कार सार्वजनिक गरेको छ । सो कारलाई ५ हजार माइलको दुरीबाट पनि रिमोटको मद्दतले कन्ट्रोल गर्न सकिन्छ ।

सामसुङले गुडवुड फेस्टिभल अफ स्पिडमा विश्वको पहिलो रिमोट कन्ट्रोल ५जी कार सार्वजनिक गरेको थियो । जसलाई भोडाफोन र डेजिनेटेड ड्राइभरको मद्दतले तयार पारिएको थियो । सो कारको सहायताले कम्पनीले आउने समयमा ५जी टेक्नोलोजी कतिको पावरफुल हुन्छ भन्ने देखाउन खोजेको छ ।

ड्रिफ्ट च्याम्पियन वन गिटिन जुनियरले ५जीको टेक्नोलोजीमा पहिलो भर्चुअल रियालिटी भएको कार चलाएर इतिहास रचेका छन् । सो कारको नाम ीष्लअयलि ःप्श् हो । जसलाई कुनै पनि स्थानबाट रिमोट कन्ट्रोलले कन्ट्रोल गर्न सकिन्छ । यसलाई चलाउनको लागि डेजिनेटेड ड्राइभर टेलीअपरेशन सिस्टम, नयाँ सामसुङ ग्यालेक्सी एस१० ५जी र सामसुङ भीआर हेडसेटको साथै भोडाफोन ५जी नेटवर्कको प्रयोग गरिएको थियो ।

डेजिनेटेड ड्राइभरको फ्रन्टमा ६ स्क्रिन जडान गरिएको छ । साथै कारलाई कन्ट्रोल गर्नको लागि स्टेयरिङ ह्वील र प्याडल सिस्टम पनि समावेश गरिएको छ । सो कारको परीक्षण गुडवुड फेस्टिभल भन्दा ५ हजार माइलको दुरीबाट गरिएको थियो । कारलाई रिमोट कन्ट्रोल गर्न लिटेन्सी रेन्ज १०० मिलिसेकेन्ड रहेको छ ।

यो पनि पढ्नुस्
असोजदेखि हेटौडाबाट २ घण्टामै काठमाडौँ पुगिने
काठमाडौं– ६३ वर्षदेखि निर्माण कार्य सुरु गरेको कान्ति लोकपथ अबको साढे तीन महिनामा सञ्चालनमा आउने भएको छ । २०७६ वैशाखदेखि सञ्चालनमा ल्याउने उद्देश्यले लोकपथका स्तरोन्नतिको काम भए पनि विस्फोटक पदार्थको अभावले गर्दा तोकिएको समयमा निर्माण कार्य सम्पन्न हुन नसकेकाले केही समय पछाडि धकेलिएको हो ।

‘आगामी असोजदेखि मालवाहक ट्रक र यात्रुवाहक बस कान्तिलोक पथ भएर आउजाउ गर्नेछन्,’ कान्तिलोक पथ आयोजनाका इन्जिनियर एवं सूचना अधिकारी अमिन्द्र खड्काले भने, ‘६ महिनाभित्रमा सडक फराकिलो बनाउने र अधिकांश भाग कालोपत्रे गरिसक्नेछौं ।’ असोजको अन्तिमसम्ममा कान्ति लोकपथ कालोपत्रे गर्ने लक्ष्य आयोजनाको छ ।

मकवानपुरको सिमात, ललितपुरको काल्चे, झाँक्रीडाँडा लगायत क्षेत्रका सडकलाई फराकिलो बनाउने कार्य भइरहेको छ । कान्ति लोकपथको अरू भाग चौडा बनाउने, नाली बनाउने पिच गर्ने कार्यहरू तीव्रगतिमा भइरहेका छन ।

उक्त मार्ग निर्माण भएपछि हेटौंडाबाट मुग्लिन हुँदै काठमाडौं आउने २ सय २६ र पालुङ हुँदै आउने एक सय ३६ किमि सडकको विकल्प तयार हुनेछ । यो मार्ग बनेपछि काठमाडौंसम्म ठूला सवारीले सहज रूपमा आवागमन गर्न सक्नेछन् ।

कान्ति लोकपथमा स्तरीय मानिने ‘अस्फाल्ट पिच’ को प्रयोग गरिएको छ । हेटौंडातर्फको कान्ति लोकपथको प्रस्थान बिन्दु बुद्धचोक हो भने काठमाडौंतर्फको प्रस्थान बिन्दु ललितपुरको सातदोबाटो हो ।

यो लोकपथको निर्माण गर्न चालु आवमा ६० करोड रुपैयाँ विनियोजित गरेको थियो । हेटौंडाको बुद्धचोकदेखि ललितपुरको सातदोबाटोसम्म ९० किमि लम्बाइको रहेको यस मार्गमा साढे आठ मिटर चौडा बनाएको छ । दुई लेनमा गाडी चल्ने गरी सात मिटरमा कालोपत्रे गरिएको छ ।

कान्ति लोकपथको ट्रयाक २०१३ सालमा खुलेको थियो । सुरुमा एक लेनको यो सडकमा ०१६ सालदेखि गाडी चल्न थालेका थिए । तर, ललितपुर र मकवानपुरको सीमास्थित वाग्मती नदीमा पुल नबनेको र सडकको दुरावस्थाका कारण सवारी चलाउन अयोग्य रहँदै आएको थियो । ६ दशकपछि मात्र उक्त सडक सरकारी प्राथमिकतामा परेको हो ।

भोजपुर घटनाबारे बोले प्रहरी प्रमुख
प्रहरी महानिरीक्षक सर्वेन्द्र खनालले भोजपुरमा भएको गोलीकाण्डबारे प्रतिनिधिसभा राज्य व्यवस्था तथा सुशासन समितिको बैठकमा जानकारी गराएका छन् । आज बिहान बसेको बैठकमा काङ्ग्रेसका सांसद दिलेन्द्रप्रसाद बडू र डिला सङ्ग्रौलाले घटनाबारे जानकारी गराउन माग गरेपछि महानिरीक्षक खनालले सो घटनाबारे जानकारी गराएका हुन ।

उनका अनुसार भोजपुर नगरपालिका–७ स्थित हाटबजार लाग्ने स्थानमा सुरक्षाका लागि नेपाल प्रहरी खटिएको बेलामा अचानक विप्लव समूहले गोली प्रहार गरेपछि घटना भएको हो । “प्रहरी जवान सञ्जिव राईको छातीमा गोली लाग्यो र उनीहरुलाई नियन्त्रण गर्र्ने सन्दर्भमा प्रहरीबाट जवाफी फायर हुँदा विप्लव समूहका ओखलढुङ्गा इञ्चार्ज निरकुमार राईलाई पनि गोली लाग्न पुग्यो”, उनले भने । गोली लागेका दुवै जनाको उपचारका लागि अस्पताल लगेपछि चिकित्सकले मृत घोषणा गरेको थियो ।

उक्त घटनामा प्रहरी जवान थमनाथ भट्टराईको काँधमा गोली लागेको समेत खनालले जानकारी दिए । उनले सो क्रममा ठूलो चाइनिज पेस्तोल एक थान, त्यसको म्याग्जिन एक थान र उक्त पेस्तोलमा लाग्ने छ राउण्ड गोली बरामद भएको पनि समितिलाई जानकारी गराए ।

कारका शौखिन अभिताभ बच्चनसँग छन् यस्ता–यस्ता कार
भारतीय चलचित्रका सुपरस्टार अमिताभ बच्चन लक्जरी कारका शौखिन पनि हुन् । उनीसँग लगभग एक दर्जन लक्जरी कार छन् ।

यी सबै मध्ये उनीसँग भएको रोल्स रोयसलाई विशेष मानिन्छ, किनभने यसलाई निर्देशक विधुविनोद चोपडाले ‘एकलव्य’ चलचित्रमा प्रभावशाली अभिनय गरे वापत दिएका थिए ।

अझै महत्वपुर्ण पक्ष के छ भने उनीसँग सबै गरी ११ लक्जरी कार छन् । अमिताभको जन्म दिन पनि अक्टोवरको ११ तारिखमै हो ।

अमिताभ बच्चनसँग सानदार रोल्स रोयस फ्यान्टम कार छ । जेम्स बन्डले आफनो फिल्ममा पनि यही कार प्रयोग गर्थे । भारतीय बजारमा रोल्स रोयसको मूल्य साढे ३ करोड रुपैयाँ पर्छ । उनीसँग बेन्टलेको कार सिजिटी पनि छ । यसको मूल्य लगभग २ करोड रुपैयाँ पर्छ ।

अमिताभलाई सर्वा्धिक मन पर्ने कार आर आर वोग पनि उनीसँगै छ । यसको मूल्य १ करोड ५ लाख ११ हजार १४ रुपैया भएको बताइएको छ । मर्सि्डिज एस ६०० । यो सानदार कार उनले निकै शौखिन तरिकाले चलाउछन् । यसको मूल्य ६ करोड रुपैयाँ पर्छ ।

उनीसँग मर्सिडिज एस ३५० पनि छ, जसको मूल्य लगभग ९० लाख रुपैयाँ पर्छ । उनीसँग पोर्से क्यामेन र बीएमडब्ल्युको ७६० एलआई पनि छ ।