दशैकाे पुर्बसन्ध्यामा धनगढीमा यातायात ठप्प

धनगढी,  ११ असाेज । प्रदेश नं ७ को राजधानी सार्ने प्रस्ताव प्रदेश नं ७ को संसदमा पेश गरिएको भोलिपल्ट  धनगढी आन्दोलनमा होमिएको छ । बजार, उद्योग, कलकारखाना तथा यातायातका साधनहरु ठप्प पारेर प्रदेश राजधानी सार्ने कार्यको विरोधमा धनगढी बन्दको आह्वान गरिएको छ ।
हाल धनगढीमा रहेको प्रदेश राजधानी २० किमी पर जंगलमा सार्ने प्रस्ताव संसदमा दर्ता भएसँगै बिहीबार बिहानैदेखि प्रदर्शन सुरु भएको हो ।राजधानी सार्ने प्रस्तावको विरुद्धमा उत्रिएका बन्दकर्ताहरु बिहानैदेखि बजारमा निस्केका छन् । धनगढी नगरबासीद्वारा माइकिङ गरेर बन्दको आब्हान गरेका हुन । कांग्रेसका स्थानीय नेता, कार्यकर्ताले आन्दोलनको अगुवाइ गरिरहेका छन् ।  प्रदेशसभाले साउन १४ गते राजधानी र नामका लागि सुझाव दिन नेकपाका प्रमुख सचेतक तारालामा तामाङको संयोजकत्वमा ५ सदस्यीय विशेष सुझाव समिति गठन गरेको थियो ।  सो समितिले प्रदेशको नाम सुदूरपश्चिम र राजधानी कैलालीको गोदावरी नगरपालिका–४ गोदावरीस्थित तेघरी ब्यारेकनजिक वन क्षेत्रमा राख्न सुझाव दिएपछि धनगढीमा बिरोध सुरु भएको हो । प्रदेश सरकारले समितिकै प्रतिवेदन कार्यान्वयन गर्दै प्रस्ताव अघि बढाएपछि स्थानीयबासी आक्रोसित बनेका छन् ।