म्यानचेस्टर युनाइटेडका पूर्व स्ट्राइकर बेर्बातोभ लिए फुटबलबाट सन्यास
सारांश
- एजेन्सी ।
- इन्ग्लिश क्लब म्यानचेस्टर युनाइटेडका पूर्व स्ट्राइकर दिमितार बेर्बातोभले फुटबलबाट सन्यास घोषणा गरेका छन् ।
- बुल्गेरियाका स्टार बेर्बातोभले बिहिबार सामाजिक संजाल इन्स्टाग्रामको माध्यमबाट फुटबल खेल जीवनबाट सन्यास घोषणा गरेका हुन् ।
एजेन्सी । इन्ग्लिश क्लब म्यानचेस्टर युनाइटेडका पूर्व स्ट्राइकर दिमितार बेर्बातोभले फुटबलबाट सन्यास घोषणा गरेका छन् ।
बुल्गेरियाका स्टार बेर्बातोभले बिहिबार सामाजिक संजाल इन्स्टाग्रामको माध्यमबाट फुटबल खेल जीवनबाट सन्यास घोषणा गरेका हुन् । ३८ वर्षीय बेर्बातोभले पछिल्लो सिजन करेला ब्लास्टरबाट इण्डियन सुपर लिग खेलेका थिए । त्यसयता बेर्बातोभ क्लब बिहिन रहदै आएका थिए ।
क्लब फुटबलमा उनले २ प्रिमियर लिग, २ लिग कप र २ कम्युनिटी शिल्ड जितेका थिए । यस्तै १ पटक क्लब विश्वकप र १ बुल्गेरियन कप जितेका छन् । सन् २००८ देखि १२ सम्म युनाइटेडबाट खेलेका बेर्बातोभले फुलहम र टोटेनहमबाट समेत खेलेका थिए ।
बुल्गेरियाका लागि सर्वाधिक गोलकर्ता बेर्बातोभले सन् २०१० मै अन्तर्राष्ट्रिय फुटबलबाट सन्यास लिएका थिए । बुल्गेरियाका पूर्व कप्तान बेर्बातोभले राष्ट्रको लागि ४८ गोल गरेका छन् ।
प्रतिक्रिया