यसकारण राप्रपा सरकारमा जान पाएन………….

असार २३ गते शेरबहादुर देउवा नेतृत्वको सरकार गठन हुँदा  संसदमा ३७ सिट रहेको राप्रपाले   देउवाको पक्षमा मतदान गरेको थियो ।  सरकारमा सम्मानजनक सहभागिता गराउने सहमतिअनुसार राप्रपाले देउवालाई मतदान गरेको थियो । तर,  राप्रपाले उपप्रधानमन्त्रीसहित ५ मन्त्रालय माग्दा सत्तारुढ दलले अस्विकार गरिदियो  ।
संविधान संशोधनमा सघाउने स्पष्ट आधारसहित विगतको जस्तो अवसरवादी चरित्र नदेखाउने राप्रपाको प्रतिबद्धता सत्तारुढ दलले चाहेको थियो । तर राप्रपाले न प्रतिबद्धता नजायो न त सत्तारुढ दलले सो प्रतिबद्धता नआएसम्म  सरकारमा सहभागिता गराउने विषयमा चासो नै थियो । बरु राप्रपाले सत्तारुढ दलको सर्त मानेर सरकारमा नजाने बतायो ।

अर्को तर्फ कांग्रेस नेता विमलेन्द्र निधि र कमल थापाबीचको पुरानो द्धन्द्धले पनि काम गरेको बताइन्छ ।  माओवादी केन्द्रका अध्यक्ष प्रचण्ड प्रधानमन्त्री हुँदा थापा–निधिबीच बरियताको विवाद थियो भने सो विवाद यतीसम्म उग्रबनेको थियो कि निधिले शीर्ष बरियता नपाउँदा क्याबिनेट बैठक नै बहिस्कार गरेका थिए ।
पुरानो ‘इगो’ साँध्न निधिले  राप्रपालाई सरकारमा सहभागि नगराउन लबिङ गरेको   राप्रपा बृत्तमा चर्चा छ ।