शक्तिशाली कम्युनिष्ट पार्टी बनेको भन्दै मकाउमा खुसीयाली
सारांश
- नारायण के.
- सी.
- मकाउ चीन, १४ जेठ – गत जेठ ३ गते नेपालका दुई ठुला दल नेकपा एमाले र माओवादी केन्द्रको एकता भई नेपाल कम्युनिष्ट पार्टी गठन भएको सुखद उपलक्ष्यमा २७ मे २०१८ का दिन मकाउस्थित जनवर्गीय संगठनको शुभकामना आदानप्रदान भएको छ ।
नारायण के.सी. मकाउ चीन, १४ जेठ – गत जेठ ३ गते नेपालका दुई ठुला दल नेकपा एमाले र माओवादी केन्द्रको एकता भई नेपाल कम्युनिष्ट पार्टी गठन भएको सुखद उपलक्ष्यमा २७ मे २०१८ का दिन मकाउस्थित जनवर्गीय संगठनको शुभकामना आदानप्रदान भएको छ ।
प्रवासी नेपाली मञ्च मकाउ र नेपाली जनप्रगतिशील मञ्च मकाउको संयुक्त आयोजनामा नेपाली रेस्टुरेन्टमा शुभ कामना तथा दीप प्रज्वलन कार्यक्रम भएको हो ।
प्रवासी नेपाली मञ्च मकाउका वरिष्ठ उपाध्यक्ष कृष्णबहादुर अधिकारीको अध्यक्षतामा भएको उक्त कार्यक्रमको संचालन प्रवासी नेपाली मञ्च मकाउका महासचिव उत्तम गुरुङले गर्नु भएको थियो । साथै कार्यक्रमको व्यवस्थापन मंञ्चका पदाधिकारी द्वय रेशम रानाभाट तथा नारायण के.सी.ले गरेका थिए ।
राष्ट्रिय धुनसंगै दीप प्रज्वलन पछि कार्यक्रमको संचालन गर्दै महासचिव गुरुङले नेपालका तत्कालीन दुई ठुला पार्टी एमाले र माओवादी केन्द्रले गत असोज १७ गते पार्टी एकीकरण गर्ने अठोट सहित बाम गठबन्धन गरी निर्वाचनमा गएको र सोही अनुसार जनमत प्राप्त गरेको बताए ।
दुई नेता केपी ओली र पुष्पकमल दाहालले राष्ट्रिय आवश्यकताका आधारमा पार्टी एकता गरी एशियाकै तेश्रो ठुलो कम्युनिष्ट पार्टी बनाउन सफल हुनुभएकोमा धन्यबाद दिएका थिए । त्यसैगरी प्रवासी नेपाली मञ्च मकाउका उपाध्यक्ष शिब थापाले उपस्थित महानुभावहरुलाई स्वागत मन्तव्य दिनु हुंदै श्रद्धेय कमरेड पुष्पलाल श्रेष्ठको अग्रसरतामा २००६ सालमा गठन भएको नेपाल कम्युनिष्ट पार्टी विभिन्न काल खण्डमा टुटफुट र जुटका लामा श्रृंखला पार गर्दै आज करिव ७ दशक पछि पुनः एक शक्तिशाली पार्टी बन्न सफल भएकोमा खुशी ब्यक्त गरे ।
अहिलेको एकताबाट आम जनता अत्यन्त आशावादी रहेको हुंदा सरकारले पनि जनभावना अनुरुप काम गर्नु पर्नेमा जोड दिएका थिए । त्यसैगरी मन्तब्य राख्ने क्रममा नेपाली जनप्रगतिशील मकाउका अध्यक्ष आ.सी. खड्काले श्रमिक वर्गका हितका लागि लामो समय देखि लड्दै आएका दुई ठुला पार्टी एक भएको अबस्थामा हामी आम कार्यकर्ताहरुले आ-आफ्नो स्थानबाट सरकार र पार्टीलाई सक्दो सहयोग गर्नुपर्ने धारणा ब्यक्त गरे ।
कार्यक्रमको समापन गर्दै कार्यक्रमका अध्यक्ष तथा नेपाली प्रवासी मञ्च मकाउका वरिष्ठ उपाध्यक्ष अधिकारीले यो एकता संगै “सुखी नेपाली समृद्ध नेपाल” को नारा सार्थक हुने तर्क राखेका थिए ।
प्रतिक्रिया
Atmaram Kandel
धेरैराम्रो कार्यप्रती स्वागत तथा अभिवादन संगै उपस्थित सबैमा धन्यबाद??