११३ अपराधमा संलग्न लेडी ग्याङ्स्टार ‘मम्मी’ पक्राउ !

काठमाडौँ, ३ भदाै । ११३ अपराधमा आरोपित लेडी ग्यांगस्टारलाई शनिबार दिल्ली पुलिसले समातेको छ । ‘मम्मी’को नामले चिनिने ६२ वर्षिय बसीरन दिल्लीका पाँच मस्ट वान्टेड महिला अपराधिहरुको सूचीमा थिइन् । ४५ वर्ष पहिले राजस्थानबाट दिल्ली आएकी बसिरनले सानो झुपडीमा बसेर अवैध रक्सि बेच्ने काम गर्थिन् । रक्सि बेचेर सुरु गरेको उनको अपराधिक करिअर छोटो समयमै निकै माथि पुगेको थियो । र अन्डरवर्ल्डमा छुट्टै नाम कमाएकी थिइन् ।

बसिरनलाई एक हत्याको आरोपमा अदालतले गएको मे महिनाको अन्तिम सातामा कुख्यात अपराधि घोषित गरेको थियो । आठ महिना देखि भूमिगत रहेकी बसिरनलाई आफ्नो परिवार भेट्ने क्रममा गुप्त सूचनाका आधारमा गिरफ्तार गरेको प्रहरी कमिश्नर रोमिल बानियाले बताए । बसिरनको सम्पत्ति यस अघि नै कानुनि रुपमा सरकारले जफत गरिसकेको छ । हत्याका आरोपित धेरैलाई यस अघि नै प्रहरीले पक्रन सफल भएपनि बसिरन भने गएको जनवरी देखि बेपत्ता थिइ ।

बसिरनका आठ छोराहरु उसैसँग अपराधिक काममा सामेल छन् । जसमा हत्या डकैती अपहरण तस्करी आदि कार्य पर्छन् । बसिरन तथा उनका छोराहरुको कब्जा विहारका केही सरकारी कार्यालयमा पनि रहेको कमिश्नर बानियाले बताए । बसिरन आफ्ना छोराहरुसँग मिलेर पानी माफिया पनि गर्ने गर्थिन । उक्त कार्यमा संलग्न एकलाई प्रहरीले पहिले नै समातेको थियो ।