अत्याधुनिक सुविधासम्पन्न अस्पताल बनाउँदै नर्भिक

नर्भिक इन्टरनेशनल अस्पतालले अत्याधुनिक सुविधासम्पन्न थप नयाँ हस्पिटल भवन निर्माण गर्ने भएको छ । नयाँ अस्पताल निर्माणका लागि शुक्रबार थापाथलीमा “भूमिपूजन” तथा भवन निर्माणको शिलान्यास गरिएको छ । नयाँ भवनको निर्माण पश्चात् २०० शैया सहितको नभिर्बक यस क्षेत्रकै अत्याधुनिक सुविधासम्पन्न र पूर्वाधारयुक्त अस्पतालका रुपमा परिणत हुने बताइएको छ ।

अस्पतालको प्रस्तावित नयाँ भवन चिकित्सा फाँटका तेस्रो पुस्ताको अति विशिष्ट प्रविधि र साधन–सुविधाले सुसज्जित हुने र विश्वस्तरीय स्वास्थ्य सेवा पु¥याउन आवश्यक पर्ने सवै आधुनिक साधन–सुविधाहरु जडित अस्पताल श्रोतको दावी छ ।

अस्पताल भवन निर्माणार्थ भूमिपूजन तथा भवनको शिलान्यास अस्पतालका अध्यक्ष वसन्त कुमार चौधरीले गरेका थिए । नयाँ भवनको प्रस्तावित निर्माण क्षेत्र १,५४,७७०.१ वर्गफिट हुने र भूमि÷जग्गा वाहेक परियोजनाको जम्मा लागत करिव दुई अर्ब रुपैया लाग्ने बताइएको छ । अत्याधुनिक नयाँ भवन निर्माण परियोजना आगामी तीन वर्षभित्र सम्पन्न भइसक्नेछ ।

नेपाली चिकित्सा फाँटमै नवीनतम् यस परियोजनाको डिजाइन नेपाली आर्किटेक्चर र परियोजना व्यवस्थापन कम्पनीहरु मध्येको अग्रणी कम्पनी–केज कन्सल्टले गरेको छ भने निर्माण हुने नवीनतम् भवनको आन्तरिक साज–सज्जाका सम्पूर्ण कार्यहरु सिङ्गापुरको एक ख्यातिप्राप्त कम्पनीले गर्ने भनिएको छ ।