जिल्ला समन्वय समिति दोलखामा एमालेको प्यानलै बिजयी, निस्कियो विजयी जुलुस
सारांश
- दोलखा, २४ साउन ।
- जिल्ला समन्वय समिति दोलखामा नेकपा एमालेको प्यानलै विजयी भएको छ ।
- ९ स्थानीय तहमध्ये ७ ओटामा जित हासिल गरेको एमालेले आज भएको निर्वाचनमा सानदार जित हासिल गरेको हो ।
दोलखा, २४ साउन । जिल्ला समन्वय समिति दोलखामा नेकपा एमालेको प्यानलै विजयी भएको छ । ९ स्थानीय तहमध्ये ७ ओटामा जित हासिल गरेको एमालेले आज भएको निर्वाचनमा सानदार जित हासिल गरेको हो ।
हार निश्चित भएपनि कांग्रेस र माओवादीले जिल्ला समन्वय समितिमा एमालेलाई सर्वसम्मत चयन हुन दिएको थिएन । आज भएको निर्वाचनमा एमालेले अघि सारेका पार्टी उपसचिव डवल पाण्डे प्रमुख र मनमाया जिरेल उपप्रमुख निर्वाचित भएका छन् ।
यसैगरी सदस्यमा आइती तामाङ, कमलकुमारी कार्की, गिता पोखरेल, मुरारीराज शिवाकोटी, युवराज घतानी, विदुर शर्मा र जित बहादुर श्रेष्ठ बिजयी भएका छन् ।
विजयीपछि चरिकोटमा विजयी जुलुस निकालिएको छ । जुलुसमा एमाले नेता कार्यकर्ता सहभागी भएका छन् ।
कुल कमेन्ट:
0
Abhiyan Post
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया