सूचना प्रविधि

माइक्रो ब्लगिङ साइट ट्विटरका प्रयोगकर्ताको संख्यामा ऐतिहासिक बढोत्तरी देखिएको छ । ट्विटरले बिहीबार सार्वजनिक गरेको रिपोर्टअनुसार दैनिक सक्रिय प्रयोगकर्ताको संख्यामा कीर्तिमानी वार्षिक वृद्धि हासिल भएको हो । ट्विटर प्रयोगकर्ताको वृद्धिदरले विश्लेषकहरुको अनुमानलाई उछिनेको रिपोर्ट सार्वजनिक भएसँगै ट्विटर कम्पनीको शेयर मूल्यमा समेत सकारात्मक प्रभाव परेको छ । बिहीबार ट्विटरको शेयर मूल्यमा ६ प्रतिशत वृद्धि भएको छ । पछिल्लो रिपोर्टअनुसार ट्विटरका मनिटाइजेबल दैनिक सक्रिय प्रयोगकर्ताको संख्यामा पछिल्लो एक वर्षमा ३४ प्रतिशतले वद्धि भई १८ करोड ६० लाख पुगेको छ । मनिटाइजेबल एक्टिभ युजर्स भनेको त्यस्ता सक्रिय प्रयोगकर्ताको संख्या हो जसले आफ्नो वालमा विज्ञापन देख्दछन् । विश्लेषकहरुले यस अवधिमा ट्विटरका दैनिक सक्रिय प्रयोगकर्ताको संख्या १७ करोड ६० लाख पुग्ने प्रक्षेपण गरेका थिए । ट्विटरका स...

चिनियाँ कम्पनी हुवावेको फाइभ जी प्रविधिमाथि अमेरिका र बेलायतले प्रतिबन्ध लगाइसकेका छन् । उक्त प्रतिबन्धलाई युरोपेली युनियनले समेत अंगिकार गर्ने सम्भावना बढिरहेको बेला चीनले युरोपेली कम्पनीहरुसँग बदला लिने योजना बनाइरहेको बताइएको छ । युरोपेली युनियनले हुवावेको फाइभ जी प्रविधिको प्रयोगमा बन्देज लगाएको खण्डमा युरोपेली टेलिकम कम्पनीहरु नोकिया तथा इरिक्सनसँग त्यसको बदला लिने सोच चीनको रहेको वालस्ट्रिट जर्नलले दाबी गरेको छ । बेलायतले गत हप्ता आफ्ना टेलिकम अपरेटरहरुलाई हुवावेसँग बाट फाइभ जी नेटवर्कका कुनैपनि प्रविधि खरीद नगर्न आदेश दिएको छ । अहिलेसम्म फाइभ जी प्रविधिमा हुवावे कम्पनीबाट खरिद गरिएका उपकरण तथा प्रविधि सबैलाई सन् २०२७ सम्ममा हटाइसक्नसमेत बेलायत सरकारले निर्देशन दिएको छ । हुवावेविरुद्ध अमेरिकी नेतृत्वको यस अभियानबाट स्विडेनका नोकिया र इरिक्सन कम्पनीहरुलाई प्रत्यक्षरुपमा सबैभन...

एजेन्सी। भिडियो शेयरिङ एप टिकटकको चुलिँदो लोकपि्रयताले विश्वका दिग्गज प्रविधि कम्पनीहरुलाई लोभ्याएकै छ । पछिल्लो समय विवादित बनिरहेको चिनियाँ एप टिकटकको सिको गर्दै लोकप्रिय फो टो शेयरिङ एप इन्स्टाग्रामले आफ्नै ‘टिकटक’ ल्याउँदैछ । शुक्रबार एक घोषणा गर्दै टिकटकले आफ्नो भिडियो शेयरिङ फिचर लञ्च गर्ने तयारी गरिरहेको खुलासा गरेको हो । इन्स्टाग्रामको उक्त भिडियो शेयरिङ सर्भिसको नाम ‘रील्स’ हुनेछ । आगामी अगष्ट महिनामा अमेरिका तथा अन्य ५० वटा देशमा रील्स लञ्च हुनेछ । स्मरणरहोस् इन्स्टाग्रामले गत हप्ताबाट भारतमा रील्सको परीक्षण सुरु गरेको छ । भारतले टिकटकमाथि प्रतिबन्ध लगाएको परिप्रेक्षयमा इन्स्टाग्रामले भारतमै रील्सलाई परीक्षणका रुपमा सुरुआत गर्नुलाई निकै अर्थपूर्ण रुपमा हेरिएको छ । फेसबुकका प्रवक्ताले भनेका छन्, ‘हामीहरु सदैव मानिसले के चाहन्छन् भन्ने कुरा हेर्दछौँ र प्रयोगकर्ताका अनुभूति...

दिनहुँ लाखौँ मानिसले सोसल मिडिया साइट फेसबुकको मेसेन्जर सर्भिस प्रयोग गर्दछन् । गत अप्रिल महिनामा फेसबुकका मासिक सक्रिय प्रयोगकर्ताको संख्या २ अर्ब ६० करोड थियो । प्रयोगकर्ताहरुका लागि फेसबुकले लगातार नयाँ–नयाँ अपडेट ल्याउने गरेको छ । र, पछिल्लोपटक फेसबुकले आफ्नो मेसेन्जर एपमा एक महत्वपूर्ण फिचर थप गरेको छ । फेसबुक मेसेन्जरमा अब स्क्रिन शेयरिङ फिचर थपिएको छ । फेसबुकका अनुसार मेसेन्जर एपका एन्ड्रोइड तथा आइओएस प्रयोगकर्ताका लागि स्क्रिन शेयरिङको अप्सन प्राप्त गर्नेछन् । अहिलेसम्म यो फिचर केवल मेसेन्जरको वेब भर्सनमा मात्रै उपलब्ध थियो जुन अब एप भर्सनमा समेत रोलआउट भएको हो । फेसबुकका अनुसार फेसबुकको भिडियो कन्फ्रेन्सिङ सर्भिस ‘मेसेन्जर रुम्स’ मा पनि यो फिचर उपलब्ध हुनेछ । यसबाट मेसेन्जर रुम्सले माइक्रोसफ्ट टिम्स र जूमलाई टक्कर दिनसक्ने अपेक्षा गरिएको छ । कोरोना भाइरस महामारीका कारण वि...

एजेन्सी । अहिले फाइभ जी इन्टरनेटसमेत व्यवसायिक तवरमा विश्वव्यापी बनिसकेको छैन । दक्षिण कोरियाली कम्पनी सामसुङले चाहिँ सिक्स जी इन्टरनेटको विकासमा काम सुरु गरिसकेको छ । आगामी सन् २०२८ भित्रमा सिक्स जी इन्टरनेट संरचनाको निर्माण सम्पन्न भई व्यवसायिकरुपमा प्रयोगमा ल्याउने योजना सामसुङको रहेको बताइएको छ । सन् २०३० सम्ममा विश्वमा आमरुपमा सिक्स जी इन्टरनेट प्रयोग हुनेछ । सामसुङले सन् २०१९ को मे महिनामा एडभान्स्ड कम्युनिकेसन रिसर्च सेन्टरको स्थापना गरी सिक्स जी इन्टरनेटको विकासमा काम सुरु गरेको थियो । सोही रिसर्च सेन्टरले गरिरहेको अनुसन्धानले सिक्स जी इन्टरनेटको भविष्यका विषयमा यस्तो प्रक्षेपण गरेको हो । सामसुङका अनुसार सन् २०३० सम्ममा विश्वका ५ खर्ब डिभाइसमा सिक्स जी इन्टरनेट जोडिएको हुनेछ । उक्त समयसम्ममा मोबाइल फोनहरु विभिन्न स्वरुप तथा प्रविधिका साथमा उपलब्ध हुनेछन् जसमा अग्मेन्टेड रि...

एजेन्सी।  फेसबुक मेसेन्जर तथा ह्वाट्सएप च्याटिङका लागि प्रयोग गरिने सबैभन्दा लोकप्रिय सोसल मिडिया एप हुन् । फेसबुक कम्पनी मातहत भएतापनि यी दुई एपहरु फरक फरक ढंगले स्वतन्त्र रुपमा सञ्चालन हुने गर्दछन् । तर निकट भविष्यमा फेसबुकले मेसेन्जर र ह्वाट्सएपलाई जोड्ने योजना बनाएको छ । यसको अर्थ मेसेन्जर र ह्वाट्सएप प्रयोगकर्ताले एक आपसमा च्याट गर्न पाउनेछन् । अर्थात् मेसेन्जरबाट ह्वाट्सएपमा र ह्वाट्सएपबाट मेसेन्जरमा च्याट गर्न पाइनेछ । फेसबुकले मेसेन्जर र ह्वाट्सएपलाई एकिकृत गर्न लागेको तथ्य हालै लिक भएको एक कोडबाट पत्ता लागेको बताइएको छ । विज्ञका अनुसार फेसबुकको सर्भिस सेटिंग्समा कन्ट्याक्ट एण्ड च्याट फंक्सन्ससँग सम्बन्धित वेब डाटाहरु लिक भएका छन् जसले निकट भविष्यमा फेसबुकलाई ह्वाट्सएपसँग जोड्न लागिएको तर्फ संकेत गर्दछ । स्मरण रहोस् फेसबुक सिइओ मार्क जुकरगर्बले केही महिना अगाडि नै फेसबुक, ...

एजेन्सी । कोरोना महामारीको लकडाउनसँगै विश्वमा अहिले भिडियो कलिङ एप तथा प्लाटफर्महरुको लोकप्रियता र माग ह्वात्तै बढिरहेको छ । भिडियो कलिङ एप जूमले ऐतिहासिक लोकप्रियता हासिल गरिरहेको बेला गुगल तथा माइक्रोसफ्टले उसलाई टक्कर दिने कोसिस गरिरहेका छन् । माइक्रोसफ्टले आफ्नो भिडियो कन्फ्रेन्सिङ सफ्टवेयर माइक्रोसफ्ट टिम्समा केही नयाँ फिचर थप गरेको छ । उक्त नयाँ फिचरसँगै अब माइक्रोसफ्ट टिम्समा एकसाथ १ हजार जना मानिस भिडियो कन्फ्रेन्सिङमा जोडिन सक्नेछन् । माइक्रोसफ्ट टिम्सका नयाँ फिचरहरु यस्ता छन्ः Together Mode – धेरै जनासँग ग्रुप भिडियो कलिङ गरिरहेको बेला यस फिचरबाट प्रयोगकर्ताले कुन चाहीँ व्यक्ति बोलिरहेको छ भन्ने थाहा पाउन सक्दछ । बोलिरहेको व्यक्तिलाई स्क्रिनमा देखेसँगै उसका विचार सुन्ने र प्रभावकारी रुपमा सञ्चार गर्न सहज हुनेछ । Video Filters – यो इन्स्टाग्राम तथा स्नापच्याटमा रहेक...