माथिल्लो त्रिशूली–३ ‘ए’ को सुरुङमा फसेका मजदुरको उद्धारका लागि ९० जनाको टोली परिचालन
सारांश
- नुवाकोटस्थित माथिल्लो त्रिशूली-३ ‘ए’ जलविद्युत् आयोजनाको सुरुङभित्र फसेका मजदुरहरूको उद्धारका लागि संयुक्त टोलीले उद्धार प्रयास तीव्र बनाएको छ।
- भौगोलिक जटिलता र कठिन अवस्थाका बीच उद्धारकर्मीहरूले सम्भावित सबै उपाय अपनाउँदै सुरुङभित्र प्रवेश गर्ने सम्भावित सबै उपाय अपनाउँदै कोसिस गरिरहेका छन्।
- उद्धार कार्यलाई थप सहज र प्रभावकारी बनाउन सुरक्षा निकायले ठूला उपकरणको प्रयोगका साथै सुरुङको प्वाल फराकिलो बनाउने रणनीति लिएको छ।
नुवाकोटस्थित माथिल्लो त्रिशूली-३ ‘ए’ जलविद्युत् आयोजनाको सुरुङभित्र फसेका मजदुरहरूको उद्धारका लागि संयुक्त टोलीले उद्धार प्रयास तीव्र बनाएको छ। भौगोलिक जटिलता र कठिन अवस्थाका बीच उद्धारकर्मीहरूले सम्भावित सबै उपाय अपनाउँदै सुरुङभित्र प्रवेश गर्ने सम्भावित सबै उपाय अपनाउँदै कोसिस गरिरहेका छन्।
उद्धार कार्यलाई थप सहज र प्रभावकारी बनाउन सुरक्षा निकायले ठूला उपकरणको प्रयोगका साथै सुरुङको प्वाल फराकिलो बनाउने रणनीति लिएको छ। आवश्यक परेको खण्डमा सुरुङभित्र प्रवेश मार्ग तयार पार्न ब्लास्टिङ गर्नेसम्मको तयारी अघि बढाइएको जानकारी प्राप्त भएको छ।
घटनास्थलमा नेपाली सेनाका ६६ जना इन्जिनियर, विशेष तालिमप्राप्त कुकुरसहित सशस्त्र प्रहरीका १८ जना र नेपाल प्रहरीका ६ जना गरी कुल ९० जनाको संयुक्त टोली परिचालित छ। टोलीले सुरुङभित्र रहेका मानिसहरूको अवस्था पत्ता लगाउन र उनीहरूलाई सुरक्षित बाहिर निकाल्न प्राविधिक उपकरण तथा विधिको प्रयोग गर्दै उद्धार प्रयास गरिरहेको छ।
यसअघि दिउँसो २ बजे उद्धार टोली सुरुङको मुख्य भाग अर्थात् ‘क्राउन हेड’ सम्म पुग्न सफल भएको थियो। त्यहाँ टोलीले २×३ फिटको सानो प्वाल बनाएर डोरीमार्फत तल झर्दै भित्र फसेकाहरूलाई सम्पर्क गर्ने प्रयास गरे पनि भित्रबाट कुनै प्रतिक्रिया प्राप्त हुन सकेन।
उद्धार टोलीले भित्र फसेका नागरिकको अवस्था छिटोभन्दा छिटो पत्ता लगाई उद्धार सम्पन्न गर्ने प्रतिबद्धताका साथ कार्य गरिरहेको छ।
कुल कमेन्ट:
0
Asmita Ramtel
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया