दैवी प्रकोप उद्धार कोषमा ह्याप्पी इनर्जीको २० लाख सहयोग, मन्त्री श्रेष्ठद्वारा आभार प्रकट
सारांश
- हालैको प्राकृतिक विपद्बाट प्रभावित नागरिकहरूको राहत र पुनस्थापनाका लागि निजी क्षेत्रबाट सहयोग जुट्ने क्रम जारी रहँदा ह्याप्पी इनर्जी लिमिटेडले विपद् व्यवस्थापनमा ऐक्यबद्धता जनाएको छ।
- ह्याप्पी इनर्जीका प्रतिनिधिहरूले शुक्रबार ऊर्जा, जलस्रोत तथा सिँचाइ मन्त्रालय पुगेर प्रधानमन्त्री दैवी प्रकोप उद्धार कोषका लागि २० लाख रुपैयाँको आर्थिक सहयोग हस्तान्तरण गरेका हुन्।
- उक्त सहयोग रकम ह्याप्पी इनर्जीका प्रतिनिधिहरूले ऊर्जा, जलस्रोत तथा सिँचाइमन्त्री विराज भक्त श्रेष्ठलाई प्रत्यक्ष रूपमा बुझाएका हुन्।
हालैको प्राकृतिक विपद्बाट प्रभावित नागरिकहरूको राहत र पुनस्थापनाका लागि निजी क्षेत्रबाट सहयोग जुट्ने क्रम जारी रहँदा ह्याप्पी इनर्जी लिमिटेडले विपद् व्यवस्थापनमा ऐक्यबद्धता जनाएको छ। ह्याप्पी इनर्जीका प्रतिनिधिहरूले शुक्रबार ऊर्जा, जलस्रोत तथा सिँचाइ मन्त्रालय पुगेर प्रधानमन्त्री दैवी प्रकोप उद्धार कोषका लागि २० लाख रुपैयाँको आर्थिक सहयोग हस्तान्तरण गरेका हुन्।
उक्त सहयोग रकम ह्याप्पी इनर्जीका प्रतिनिधिहरूले ऊर्जा, जलस्रोत तथा सिँचाइमन्त्री विराज भक्त श्रेष्ठलाई प्रत्यक्ष रूपमा बुझाएका हुन्। देशमा संकट परेको समयमा निजी जलविद्युत् क्षेत्रले पनि सामाजिक उत्तरदायित्व वहन गर्दै सरकारको उद्धार प्रयासमा हात मालो गर्ने उद्देश्यले यो रकम उपलब्ध गराइएको कम्पनीले जनाएको छ।
चेक ग्रहण गर्दै मन्त्री श्रेष्ठले संकटको यस कठिन परिस्थितिमा विपद् पीडितको सहयोगका लागि अगाडि आउने सबै संघसंस्था र निजी क्षेत्रप्रति आभार व्यक्त गर्नुभयो। उहाँले इतिहासदेखि नै नेपाली समाजले संकटका बेला एकजुट भएर एकअर्कालाई सहयोग गर्दै आएको स्मरण गराउनुभयो।
मन्त्री श्रेष्ठले विपद्को सामना गर्न केवल आर्थिक सहायता मात्र पर्याप्त नहुने भन्दै नैतिक, भौतिक तथा प्राविधिक सहयोगको समेत उत्तिकै आवश्यकता रहेको स्पष्ट पार्नुभयो। संकटको घडीमा ‘जसले जे सक्छ, त्यही सहयोग गर्नु’ नै अहिलेको प्रमुख आवश्यकता र नागरिक दायित्व भएको उहाँको भनाइ थियो।
निजी क्षेत्रको यो अग्रसरताले विपद् व्यवस्थापनमा सरकारी कोषलाई सुदृढ बनाउनुका साथै पीडितहरूसम्म शीघ्र राहत पुर्याउन महत्त्वपूर्ण योगदान पुग्ने विश्वास लिइएको छ।
कुल कमेन्ट:
0
Asmita Ramtel
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया