उपेन्द्र यावद जीततर्फ, सप्तरी क्षेत्र नम्बर १ मा पनि फोरमकै अग्रता
सारांश
- सप्तरी, मंसिर २३ – संघीय समाजवादी फोरम नेपालका अध्यक्ष उपेन्द्र यादवको जीत तर्फ अग्रसर हुनुभएको छ ।
- प्रतिनिधिसभातर्फ सप्तरी क्षेत्र नम्बर २ को आधा भन्दा धेरै मत गणना भइसक्दा उपेन्द्र यादवले ५ हजार भन्दा धेरै मतले अग्रता लिनुभएको छ ।
- ५२ हजार ५ सय २२ मत खसेकोमा २९ हजार २ सय ३० मत गणना गरिसक्दा उपेन्द्र यादवले १२ हजार ५ सय ३५ मत प्राप्त गर्नुभएको छ ।
सप्तरी, मंसिर २३ – संघीय समाजवादी फोरम नेपालका अध्यक्ष उपेन्द्र यादवको जीत तर्फ अग्रसर हुनुभएको छ ।
प्रतिनिधिसभातर्फ सप्तरी क्षेत्र नम्बर २ को आधा भन्दा धेरै मत गणना भइसक्दा उपेन्द्र यादवले ५ हजार भन्दा धेरै मतले अग्रता लिनुभएको छ ।
५२ हजार ५ सय २२ मत खसेकोमा २९ हजार २ सय ३० मत गणना गरिसक्दा उपेन्द्र यादवले १२ हजार ५ सय ३५ मत प्राप्त गर्नुभएको छ ।
उहाँका प्रतिस्पर्धी माओवादी केन्द्रका उमेशकुमार यादवले ७ हजार ३ सय ४० र स्वतन्त्र उम्मेदवार जयप्रकाश ठाकुरले ५ हजार ३ सय ८० मत ल्याउनुभएको छ । सप्तरी क्षेत्र नम्बर १ मा पनि संघीय समाजवादी फोरमकै अग्रता छ ।
फोरमका डाक्टर सूर्यनारायण यादव ५ हजार २ सय ७५ मत सहित अगाडि हुनुहुन्छ । नेपाली कांग्रेसका देवनारायण साहले २ हजार ४ सय ४२ प्राप्त गर्नुभएको छ । नेकपा माओवादी केन्द्रका अशोककुमार मण्डलले २ हजार ३ सय ९ मत ल्याउनुभएको छ ।
सप्तरी क्षेत्र नम्बर ३ मा भने नेपाली कांग्रेसको अग्रता छ । कांग्रेसका दिनेशकुमार यादवले ८ हजार ८ सय ५० मत ल्याउनुभएको छ । राष्ट्रिय जनता पार्टीका चन्द्रकान्त चौधरीले ७ हजार ४ सय २ मत ल्याउनुभएको छ । नेकपा एमालेका ताराकान्त चौधरीले ४ हजार १ सय २३ मत ल्याउनुभएको छ ।
यस्तै सप्तरी निर्वाचन क्षेत्र नम्बर ४ मा नेपाली कांगे्रसको अग्रता छ । कांग्रेसका तेजुलाल चौधरीले १ हजार ४ सय ५२ मत ल्याउनुभएको छ भने राजपाका मृगेन्द्रकुमार सिंह यादवले १ हजार २ सय ६ र नेकपा एमालेका मोह्मद इसलाम मियाँले ८ सय १८ मत प्राप्त गर्नुभएको छ ।
प्रतिक्रिया