किन जाँदैछन् प्रधानमन्त्री भियतनाम र कम्बोडिया !
सारांश
- काठमाडौं ।
- प्रधानमन्त्री केपी शर्मा ओली भियतनाम र कम्बोडियाको भ्रमणमा जाने भएका छन् ।
- यही वैशाख २६ देखि जेठ १ गतेसम्म भियतनाम र कम्बोडियाको भ्रमण गर्ने कार्यक्रम परराष्ट्र मन्त्रालयले जानकारी दिएको छ ।
काठमाडौं । प्रधानमन्त्री केपी शर्मा ओली भियतनाम र कम्बोडियाको भ्रमणमा जाने भएका छन् । यही वैशाख २६ देखि जेठ १ गतेसम्म भियतनाम र कम्बोडियाको भ्रमण गर्ने कार्यक्रम परराष्ट्र मन्त्रालयले जानकारी दिएको छ ।
प्रधानमन्त्रीले वैशाख २६ देखि ३० सम्म भियतनाम र त्यसपछि जेठ १ गतेसम्म कम्बोडियाको भ्रमण गर्ने कार्यक्रम छ । भियतनामका प्रधानमन्त्रीको मैत्रीपूर्ण निमन्त्रणमा भ्रमण गर्न लागेका हुन् ।
भियतनामाले लामो युद्धपछि तीव्र विकास र प्रगति गर्नुका साथै लगानीका लागि विश्वको ‘वेस्ट प्लेस’ भएको चर्चा गर्दै भ्रमणका क्रममा भियतनामले हासिल गरेको उपलब्धिको जानकारी लिने उद्देश्यले सो भ्रमण हुन लागेको मन्त्री ज्ञवालीले बताए ।
भ्रमणका क्रममा प्रधानमन्त्रीले एक कार्यक्रमबीच त्यहाँको थिङ्क ट्याङ्कलाई सम्बोधन गर्ने कार्यक्रम रहेको र केही विषयमा सम्झौता हुने भनिएपनि के विषय भने बाहिर ल्याइएको छैन ।
भैरहवामा गौतमबुद्ध अन्तर्राष्ट्रिय विमानस्थल निर्माण सम्पन्न हुन लागेका बेला भियतनाममा बौद्धमार्गी धेरै भएकाले उनीहरूलाई आकर्षित गरी पर्यटन विकास कसरी गर्न सकिन्छ भन्ने विषयमा पनि छलफल हुने जनाइएको छ ।
भियतनाम सरकारले बुद्ध जयन्तीको अवसर पारेर अयोजना गरेको अन्तर्राष्ट्रिय भैशाख समारोहमा प्रधानमन्त्री केपी शर्मा ओली सहभागी हुने जनाइएको छ । कम्बोडियाले हासिल गरेका विकासका अनुभवहरूको साटासाट गर्नुका साथै सम्बन्ध थप सुधार गर्ने प्रयास हुने अपेक्षा गरिएको छ ।
प्रतिक्रिया