ढुङ्गामुढा र हडताल गर्ने होइन कांग्रेस असल प्रतिपक्ष : प्रवक्ता शर्मा
सारांश
- काठमाडौं, ४ जेठ ।
- नेपाली कांग्रेसका प्रवक्ता विश्वप्रकाश शर्माले प्रतिपक्षले आन्दोलन, हडताल गर्छ भन्ने आममान्यतामा कांग्रेस नरहेको बताएका छन् ।
- नेपाल प्रेस युनियन, बाँकेले आज बिहान राखेको पत्रकार भेटघाटमा प्रवक्ता शर्माले भने, “रचनात्मक तथा सिर्जनात्मक भूमिका प्रतिपक्ष दलले खेल्नुपर्छ ।
काठमाडौं, ४ जेठ । नेपाली कांग्रेसका प्रवक्ता विश्वप्रकाश शर्माले प्रतिपक्षले आन्दोलन, हडताल गर्छ भन्ने आममान्यतामा कांग्रेस नरहेको बताएका छन् ।
नेपाल प्रेस युनियन, बाँकेले आज बिहान राखेको पत्रकार भेटघाटमा प्रवक्ता शर्माले भने, “रचनात्मक तथा सिर्जनात्मक भूमिका प्रतिपक्ष दलले खेल्नुपर्छ । ढुंगामुढा गर्ने, हडताल गर्ने यो असल प्रतिपक्षको गुण होइन । नेपाली कांग्रेस असल प्रतिपक्ष हो ।”
वर्तमान सरकारको सय दिन पुगेपछि कामको समीक्षा नेपाली कांग्रेसले गर्ने बताउँदै शर्माले कमजोर र गलत पक्षमा खबरदारी तथा सही कामको समर्थनमा आफ्नो दलले एक इन्च पनि कन्ज्युस्याँई नगर्ने बताए । शर्माले दुई ठूला कम्युनिष्ट पार्टीको एकताले लोकतन्त्रलाई अझ बलियो बनाउने भएकाले आफ्नो दलले नेकपा (एमाले) र नेकपा (माओवादी केन्द्र) एक हुनुलाई त्यही कडीका रुपमा लिएको बताए ।
प्रवक्ता शर्माले “एकपटक निर्वाचन हार्दैमा नेपाली कांग्रेस कमजोर भयो भनेर विश्लेषण गर्नु गलत भएको बताए । उनले अब हारको समीक्षा गरेर संगठन निर्माणमा कांग्रेस परिचालन हुने पनि बताए ।
प्रतिक्रिया
Nasa Gautam
Cancer of Nepal congress