नेता शर्मामाथि सन्धीखर्कमा स्थानीयबाट आक्रमण…
सारांश
- अर्घाखाँचीको सदरमुकाम सन्धीखर्कमा उर्जामन्त्री जनार्दन शर्मा लगायतका माओवादी नेताहरुमाथि स्थानीयहरुद्धारा आक्रमण भएको छ ।
- ५ नम्बर प्रदेश विभाजनको पक्षमा मन्तव्य दिएपछि आक्रोशित स्थानीयले आक्रमणको प्रयास गर्दा झडप समेत भएको थियो ।
- विहीबार आयोजित अर्घाखाँची महोत्सवमा आक्रोशित स्थानीयले उर्जा मन्त्री शर्मा लगायतका नेताहरुमाथि ढुंगा प्रहार गरेपछि झडप भएको थियो ।
अर्घाखाँचीको सदरमुकाम सन्धीखर्कमा उर्जामन्त्री जनार्दन शर्मा लगायतका माओवादी नेताहरुमाथि स्थानीयहरुद्धारा आक्रमण भएको छ । ५ नम्बर प्रदेश विभाजनको पक्षमा मन्तव्य दिएपछि आक्रोशित स्थानीयले आक्रमणको प्रयास गर्दा झडप समेत भएको थियो ।
विहीबार आयोजित अर्घाखाँची महोत्सवमा आक्रोशित स्थानीयले उर्जा मन्त्री शर्मा लगायतका नेताहरुमाथि ढुंगा प्रहार गरेपछि झडप भएको थियो । स्थानीयको आक्राशित भीडले आक्रमणको प्रयास भएपछि मन्त्री शर्मा र अन्य नेताहरुलाई जोगाउन प्रहरीलाई हम्मे हम्मे परेको थियो ।
सन्धीखर्कमा उर्जामन्त्री जनार्दन शर्मा लगायतका माओवादी नेतामाथि स्थानीयबाट आक्रमण, ५ नम्बर प्रदेश विभाजनको पक्षमा मन्तव्य दिएपछि स्थानीय आक्रोशित
कार्यक्रममा बोल्ने क्रममा माओवादी नेता डिलाराम आचार्यले ५ नम्बर प्रदेश विभाजन हुँदैमा केही पनि असर नपर्ने बताएपछि स्थानीयबासी आक्रोशित बनेका थिए । उनीहरुले मञ्चमै ढुंगामुढा सुरु गरेपछि स्थिति तनावग्रस्त बनेको थियो । स्थितिलाई नियन्त्रणमा लिन प्रहरीले लाठी चार्ज गरेको थियो । माओवादी नेता आचार्यले आफुले बोलेका शब्दहरु फिर्ता लिएको र आफू पनि अर्घाखाँचीबासी भएको भन्दै जिल्लाबासीहरुसँग माफी मागेपछि भीड नियन्त्रणमा आएको थियो ।
तर स्थानीयको ढुंगामुढा र चर्का नारावाजीपछि कार्यक्रम वीचैमा स्थगित भएको छ भने ऊर्जामन्त्री शर्मा सम्बोधन नै नगरी काठमाडौं फर्किएका थिए ।
श्रोत: न्युज२४
प्रतिक्रिया