नेपालकाे लगातार दाेस्राे जित, दिपेन्द्रकाे सतकिय पारी र सागरकाे अलराउण्ड प्रदर्शन महत्वपूर्ण !

काठमाडौँ, ८ भदौ । एसिया कप छनोट प्रतियोगिताका लागि श्रृलंकामा अभ्यासरत रहेको नेपाली क्रिकेट टोलिले शुक्रबार भएको दोस्रो अभ्यास खेलमा श्रृलंकाको स्थानिय क्लब ब्लुमफिल्डलाई पराजित गरेको छ । सागर पुनः बलिङ र ब्याटिङ् दुवैमा चम्किएपछि नेपालले खेल १७६ रनले जितेको हो । खेलकाे बिचमा माैसम खराब भएपछि खेल डकवर्थ लुइस म्याथड अुनुसार नेपाले जितेकाे हाे।

३२४ रनको लक्ष्य पछ्याएको घरेलु टोलि खेल राेकिनु अघि ३८ ओभरमा ९ विकेट गुमाएर मात्र १३४ रन बनाउन सकेकाे थियाे । ब्लुमफिल्डको ब्याटिङ लाइन अप धरासाई बनाउने क्रममा सागरले एक्लै महत्वपूर्ण ३ विकेट लिए । भने अनुभवि खेलाडी बसन्त र ललित राजवंशीले २\२ विकेट लिए ।  ब्लुमफिल्डका लागि सनोजले ३८ रन बनाउनु बाहेक अन्यले सम्झन लाएक पारी खलेनन् ।

यस अघि पारस खड्काको नेतृत्वमा पहिले ब्याटिङ गरेको नेपाली टोलिले निर्धारित ५० ओभरमा ८ विकेट गुमाउँदै ३२३ रन बनाएको थियो । सँधै झैँ सुरुवाति ब्याटिङमा समस्या देखिएको नेपालले पहिलो ४ विकेट छिटै गुमाएको थियो । पछि सागर र दिपेन्द्रले सतकिय साझेदारी गर्दै ब्याटिङ सम्हालेका थिए । दिपेन्द्रले ९४ बल खेल्दै १२१ रन बनाएका थिए । जसमा ५ छक्का र ९ चौका समेल थिए भने सागरले ८२ बलको सामना गर्दै आफ्नो सतकबाट मात्र ८ रन टाढा रहेका थिए । उनले ३ छक्का र ८ चौकाको मद्दतले ९२ रन बनाएका थिए । त्यस्तै सागरको विकेट पतन भएपछि आएका करण केसीले आक्रामक ब्याटिङ गर्दै १२ बलमा २६ रन बनाएर आउट भएका थिए ।

यो नेपालको अभ्यास खेलमा दोस्रो जित हो । यस अघि बुधबार भएको खेलमा नेपालले श्रृलंका आर्मिलाई ६७ रनले हराएको थियो । भने अरु २ अभ्यास खेल क्रमश आइतबार र मंगलबार खेल्नेछ ।