नेपालको विकासका लागि युएई सहयोग गर्न इच्छुक: राजदुत सइद

गाईघाट ११,कार्तिक। नेपालका लागि युएईका राजदुत सइद अलनक्वीले युएइ र नेपाल विचको सदियौ देखिको सम्बन्धलाई अझ प्रगाढ बनाउन विभिन्न क्षेत्रमा सहयोग गर्न चाहेको बताएकाछन् ।

उयपुरको सदरमुकाम गाईघाटस्थित मदरसा तजविदुल कुर्आन प्रा.वि एवं जामे मस्जिदको ४० औँ बार्षिक उत्सव तथा त्रियुगा उद्योग बाणिज्इ संघ गाईघाटले आयोजना गरेको कार्यक्रममा बोल्दै राजदुत सइदले नेपालको विकास र सम्बन्धमा युएई सरकार सदैव सकारात्मक रहेको बताए ।

उनले युएई सरकारले कुल आम्दानीको २५ प्रतिशत रकम विभिन्न देशमा सहयोग गरेको स्मरण गराउँदै उनले नेपाल सरकारलाई पनि शिक्षा, व्यापार, जलस्रोत, उत्पादन लगायतका क्षेत्रमा सकेको सहयोग गर्ने बताए ।

भुकम्पका बेला नेपालका भत्किएका एक सय ५० बिद्यालयलाई सहयोग गरेको स्मरण गराउँदै उनले सदरमुकाम गाईघाटमा रहेको खानेपानी समस्याका समुचित व्यवस्थापन, मदरास तथा अन्य बिद्यालय, व्यापार तथा बाख्रापालन, बेसार र बेसार खेतीका क्षेत्रमा सहयोग गर्ने बताए ।

राजदुत सइदले युएईमा रहेका नेपालीका समस्या, रोजगार, आवतजावत र बसाई व्यवस्थापनमा सहयोग गर्ने बताए । मदरसामा आयोजित कार्यक्रममा उनले मदरसा शिक्षाको विकाश गरि नेपालमै ईन्जीनियर, डाक्टर, पाईलट तथा दक्ष जनशक्ति उत्पादनमा युएई सरकार सकारात्मक रहेको बताए ।

कार्यक्रममा नेपाली काँग्रेसका केन्द्रिय सदस्य तथा प्रतिनिधि सभाका सदस्य डा. नारायण खड्काले संविधानले सवै जातजाती, भाषा, धर्म, सँस्कार, सँस्कृतिलाई समानरुपले समेटेकोले मुस्लिम समुदायको विकासका लागि सरकार सम्बेदनशिल हुनु पर्नेमा जोड दिए ।

सरकारले मदरसा शिक्षाको विकास गरि नेपालमै उच्च शिक्षा हासिल गर्न पाउने व्यावस्था मिलाएर मुस्लिम समुदाययको बालबच्चाको भाविष्य उज्वल बनाउनु पर्ने धारणा व्यक्त गरे । १९८० मा स्थापना भएको मदरसा ४० औँ वार्षिक उत्सव मनाउदै गर्दा कक्षा ३ सम्म पढाई हुने गरेको छ । कक्षा ३ पास गरेपछि नेपाल बाहिर पढ्न जानु पर्ने बाध्यतालाई नेपाल सरकारले व्यावस्थापन गर्न नसकेको मस्जित उदयपुरका अ्रध्यक्ष जथाई मियाले बताए ।

उदयपुरमा १२ वटा मस्जिद र ५ वटा मदरसा सञ्चालनमा छन् । नेपाल भन्दा अन्य देशमा उच्च शिक्षा हासिल गरे पनि नेपला सरकारले नेपालमा मान्यता नदिएकोले रोजगारी नपाउने भएपछि वैदेशिक रोजगारीमा जान बाध्य भएको मियाँले बताए ।