बेंगलोरको दोस्रो जित

काठमाडौं। रोयल च्यालेन्जर्स बेंगलोरले इन्डियन प्रिमियर लिग (आइपीएल) क्रिकेटमा राजस्थान रोयल्सलाई ४ विकेटले पराजित गरेको छ। १७० रनको विजयी लक्ष्य पछ्याएको बेंगलोरले १९ ओभर एक बलमा ६ विकेट गुमाउँदै पूरा गरेकाे हाे।
बेंगलोरको जितमा विकेटकिपर दीनेश कार्तिकले सर्वाघिक ४४ रन बनाए। कप्तान फाफ डु प्लेसिसले २९ रन बनाए। राजस्थानका युजभेन्द्र चहल र ट्रेन्ट बोल्टले समान २ विकेट लिए।
त्यसअघि वानखडे स्टेडियम मुम्बईमा टस हारेर पहिला ब्याटिङ गरेको राजस्थानले २० ओभरमा ३ विकेट गुमाउँदै १६९ रनको योगफल तयार पारेकाे थियाे।
राजस्थानका जस बटलरले सर्वाधिक ७० रन बनाए। शिम्रन हेटमायरले ४२ रनको योगदान गरे। बेंगलोरका डेविड विल्ली, वानिन्दु हसरंगा र हर्षल पटेलले समान १ विकेट लिए।
बैंगलोरको यो दोस्रो जित हो भने राजस्थानको पहिलो हार हो। [image: 1619577723-bSmpU.jpg]