मन्त्री महासेठको बढाएको भाडादर सिडिओले घटाए

काठमाडौं । दसैंतिहारको मौकामा देशभर सार्वजनिक यातायातको भाडा १० प्रतिशत बढाएको बेला खोटाङमा भने निर्णय नगर्ने निर्णय भएको छ ।

भौतिक पूर्वाधार तथा यातायातमन्त्री रघुवीर महासेठको निर्णयलाई सिडिओले फिर्ता गर्दै पूरानै भाडादर कायम गराएका छन् ।

सार्वजनिक यातायातमा १० प्रतिशत भाडा बढाइएकोमा पुरानै भाडा कायम गरिएको हो। नजिकिँदै गरेको दसैं, तिहार र छठ लगायतका पर्वमा आवतजावत गर्ने यात्रुलाई ध्यानमा राखेर जिल्ला प्रशासन कार्यालयले भाडा नबढाउने निर्णय भएको हो ।

प्रमुुख जिल्ला अधिकारी (सिडिओ) को पहलमा देशभर भाडा बढाउन नहुने बताएको हो । यातायात व्यवसायी र प्रशासनबीच बसेको बैठकले पुरानै भाडा दर कायम गने निर्णय गरेको हो।

असोज ९ गतेदेखि १० प्रतिशतले भाडा बढाएका यातायात व्यवसायी प्रशासनको पहलमा पुरानै भाडा दर कायम गर्न सहमत भएको प्रमुख जिल्ला अधिकारी सुरेन्द्रराज पाण्डेले बताए।