महाकाली माथिको झोलुंगे पुल चुँडिन थाल्यो
सारांश
- कञ्चनपुर, २२ जेठ – कञ्चनपुरको महाकाली नदीमा रहेको पुल चुँडिन थालेको छ ।
- नदीमाथिको मल्टीस्पान झोलुंगे पुल ठाउँठाउँमा चुँडिन थालेको हो ।
- पुलमा बिछ्याइएका धातुका पाता, फलामे डोरी र मुख्य रड मर्मत सम्भारको अभावमा चुँडिन थालेका छन् ।
कञ्चनपुर, २२ जेठ – कञ्चनपुरको महाकाली नदीमा रहेको पुल चुँडिन थालेको छ । नदीमाथिको मल्टीस्पान झोलुंगे पुल ठाउँठाउँमा चुँडिन थालेको हो ।
पुलमा बिछ्याइएका धातुका पाता, फलामे डोरी र मुख्य रड मर्मत सम्भारको अभावमा चुँडिन थालेका छन् । एक हजार ४५२ मिटरको पुलमा बिछ्याइएका पाता र फलामे डोरी चँुडिदा पनि मर्मत हुन सकेको छैन । पुलका नटबोल्ट र रड खसेका छन् भने जाली च्यातिएका छन् ।
महाकाली नगरपालिकाका वडा नम्बर ६ का वडाध्यक्ष दिलबहादुर सिजालीले चाँडै पुल टुट्ने अवस्थामा पुगेको बताए । उनका अनुसार पुलको धेरैजसो स्थानमा बिछ्याइएका पाता टुटेका र चारैतिरका फलामे डोरी चुँडिन थालेका कारण जुनसुकै बेला पनि पुल चुँडिन सक्नेछ ।
पैदल, मोटरसाइकल तथा साइकलयात्रीको क्षमताभन्दा बढी भार बढ्दै गएकाले पुल कमजोर बन्दै गएको हो । समयमै पुलको मर्मत नगरेमा सर्वसाधानरणको ज्यान जोखिममा देखिन्छ ।
प्रतिक्रिया