विप्लव कार्यकर्ताले कुटे नेता

काठमाडौं । नेत्रविक्रम चन्द नेतृत्वको नेपाल कम्युनिष्ट पार्टीका कार्याकर्ताले दुई साताअघि पार्टीबाट बारिहएका केन्द्रीय नेता गगनबहादुर खड्का जीवन माथि सांघातिक आक्रम गरेका छन् ।

आजको अन्नपूर्ण पोस्टमा खबर छ– नेकपाका कार्यकर्ताले केन्द्रीय सदस्य तथा भेरी कर्णाली ब्युरो ईन्चार्ज खड्कालाई बुधबार दिउँसो सोह्रखुट्टेस्थित काठमाडौं गार्डेन हाउसमा मरणसन्न हुने गरी कुटेका हुन् ।

खड्काले बुधबारै सोह्रखुट्टेको हजुरको पार्टी प्यालेसमा नेकपाबाट बाहिरिन चाहेका नेता कार्यकर्तालाई भेला गरी पार्टी पुनर्गठन गरेका थिए ।

उनले आफ्नै नेतृत्वमा ३५ सदस्यी नेकपा (माओवादी) पुनर्गठन गरेका हुन् । कार्यक्रम सकेर आफू बस्ने होटलको बगैंचामा बसिरहेका बेला आक्रमण भएको पुनर्गठित पार्टीका नेता रामबहादुर विकले जानकारी दिए ।

‘उहाँ दिउँसोको कार्यक्रम सकेर आफू बस्ने होटलको गार्डेनमा बसिरहेका बेला विप्लवका काठमाडौं जिल्ला पार्टी र विद्यार्थीका ६ जनाको समूहले हेलमेट र रडले आक्रमण गरेका हुन्,’ विकले भने । आक्रमणबाट खड्काको टाउकोमा गम्भीर चोट लागेको छ ।