विश्व सम्पदा सूचिमा रहेका गुम्बाका कसरी आगो लाग्यो ?

तिब्बतको महत्वपूर्ण बुद्ध गुम्बामा भीषण आगलागी भएको खबर आएको छ । ल्हासाको जोखाङ विहारमा रहेको विहारमा आगलागी भएको अधिकारीहरुले बताएका हुन् । विभिन्न अनलाइनमा आएका भिडियो फुटेजमा बिहारको छानोबाट आगोको मुस्लो आएको देखिएको छ । आगलागी भएको विहार प्यागोडा शैलीमा निर्माण भएको बताइएको छ । चीनको सरकारी सञ्चारमाध्यमले शनिबार ढिलो विहारमा आगलागी भएको र लगत्तै आगो नियन्त्रणमा लिइएको जनाएको छ ।

घटनामा कसैको ज्यान नगए पनि क्षतिको विस्तृत विवरण सार्वजनिक गरिएको छैन । विश्वको छानोका रुपमा लिइने तिब्बतको एक हजार वर्षभन्दा पुरानो जोखाङ विहारलाई युनेस्कोले विश्वसम्पदा सूचिमा पनि सुचिकृत गरेको छ । चिनियाँ अधिकारीले आगलागीको भिडियो फुटेज तथा तस्वीरहरु अनलाइन तथा सामाजिक सञ्जालमा आउन नदिन ठूलो प्रयास गरेको दाबी पनि गरिएको छ । तिब्बती नागरिकले उनीहरुको नयाँ वर्ष ल्होसार मनाउने समयमै विहारमा आगो लागेको बताइएको छ ।