सत्यश्वर महादेवको मन्दिरमा शिवपुराण महायज्ञ सञ्चालन
सारांश
- काठमाडाैँ ।
- हिन्दु धर्ममा आस्था राख्नेहरुका लागि श्रावण महिनाको महिमा विशेष छ ।
- यस विशेष महिनामा नीलकण्ठ नारायण र नीलकण्ठ शिवजीलाई पूज्ने हाम्रो परम्परा रहदै आएको छ ।
काठमाडाैँ । हिन्दु धर्ममा आस्था राख्नेहरुका लागि श्रावण महिनाको महिमा विशेष छ । यस विशेष महिनामा नीलकण्ठ नारायण र नीलकण्ठ शिवजीलाई पूज्ने हाम्रो परम्परा रहदै आएको छ । यहि पावन महिनाको अवसरमा सातदोवाटो स्थीत चक्रपथबाट नजिकै सत्यश्वर महादेवको मन्दिरमा श्रावण महिना तथा बोलवम शिवपुराण महायज्ञ सञ्चालन गरिएको छ । यहि श्रावण १४ गते देखि सुरु भएको महायज्ञ २४ गते समापन गरिने छ ।
समस्थ हिन्दु धर्ममा आस्था राख्ने भक्तजनहरुलाई श्रावण महिनाको महिमा र नीलकण्ठ शिवजीको पुजा आराधना र कथा वाचन गरेर सुनाउनु यस यज्ञको उद्येश्य रहेको श्रावण महिना तथा बोलवम शिवपुराण महायज्ञ सञ्चालक समितिका संयोजक पुर्शोत्तम कार्किले बताउनु भयो । शिव पुराण सबै पुराणको पनि सर्वपुराण भएको हुदा यसको सबैभन्दा महत्व रहेको प्रमुख वाचक प ज्यो रविन्द्र पराजुलीले बताउनु भयो । यस शिवपुराणमा पाठ वाचनका साथै शिव भगवानका कथाहरु सुनाउदै आएको पराजुलीले जानकारी दिनुभयो ।
श्रावण महिनामा शिवपुराण श्रवण गरि पुण्य लिन भक्तजनहरुलाई प ज्योडा रुद्रनाथ अधिकारीले आग्रह गर्नुभयो । एघार दिन सम्म सञ्चालनमा रहने यस यज्ञको आज पाचौ दिन सम्म दर्शनार्थी भक्तजनहरु आउने क्रम बढिरहेको सञ्चालक समितिका कोषाध्यक्ष विश्णु घिमिरेले बताउनु भयो ।
यस मन्दिरमा शिवपुराण श्रवण गर्न आउने सबै भक्तजनहरुको लागि बस्न, प्रसादि ग्रहण गर्ने लगायतका सम्पुर्ण व्यवस्थापन गरिएको सञ्चालक समितिका सचिव स्याम राउतले जानकारी दिनुभयो । आगामि सोमवार शिवको कथामा आधारीत कथा र झाकि पनि प्रस्तुत गर्ने योजना रहेको सञ्चालक समितिका संयोजक पुर्शोत्तम कार्किले जानकारी दिनुभयो ।
प्रतिक्रिया