सुर्खेतको सिम्ताबाट हराएका तीन बालिका बुटवलमा भेटिए

Abhiyanpost Abhiyanpost
|
आइतबार, पौष १५, २०७५
|
|
६३ पटक हेरिएको
Shares
सुर्खेतको सिम्ताबाट हराएका तीन बालिका बुटवलमा भेटिए

सारांश

  • सुर्खेत, १५ पुस ।
  • सुर्खेतबाट हराएका तीन बालिका बुटवलमा भेटिएका छन् ।
  • विद्यालय जान्छौँ भनेर बेपत्ता भएका सुर्खेत जिल्ला सिम्ता गाउँपालिकाका तीनजना बालिका बुटवलमा भेटिएका हुन् ।

सुर्खेत, १५ पुस । सुर्खेतबाट हराएका तीन बालिका बुटवलमा भेटिएका छन् । विद्यालय जान्छौँ भनेर बेपत्ता भएका सुर्खेत जिल्ला सिम्ता गाउँपालिकाका तीनजना बालिका बुटवलमा भेटिएका हुन् ।

गएको पुस १० गते सिम्ता गाउँपालिका ९ खानिखोलाकी १४ वर्षीया निशा सिंह ठकुरी, त्यही ठाउँका दुई बहिनी १५ वर्षीया यमुना खत्री, र उनकी १२ वर्षकी बहिनी रिसिमा खत्री स्कुल जान्छौँ भनेर बेपत्ता भएका थिए ।

उनीहरुलाई आइतबार बिहान बुटवल बसपार्क आसपासमा भेटिएको प्रहरीले जनाएको छ । इलाका प्रहरी कार्यालय छिन्चुका प्रमुख निरज चौलागाईले बुटवल प्रहरीको सहयोगमा उनीहरुलाई फेला पारिएको जानकारी दिए ।

उनका अनुसार एकजना मानिससँगै उनीहरु बुटवल बसपार्कमा भेटिएका हुन् । प्रहरीले ती मानिस नाम खुलाएको छैन । बुटवल फूपूको घर जाने भन्दै कोहलपुरसम्म उनीहरु गएको र त्यहाँबाट बुटवल जाने गाडी खोजेको अनुसन्धानमा पत्ता लागेपछि प्रहरीले बुटवल बसपार्कमा उनीहरुलाई फेला पारेको हो । उनीहरुलाई आइतबार नै सुर्खेत ल्याउन लागिएको प्रहरी प्रमुख चौलागाईंले जानकारी दिए ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

तपाईंले छुटाउनुभयो कि?