गठबन्धनबाट जसपालाई कुनै फाइदा भएको छैन, एक्लै लडेको भए बरु धेरै सिट जित्थ्योः राजकिशोर यादव

Abhiyanpost Abhiyanpost
|
सोमबार, जेठ ९, २०७९
|
|
५६ पटक हेरिएको
Shares
गठबन्धनबाट जसपालाई कुनै फाइदा भएको छैन, एक्लै लडेको भए बरु धेरै सिट जित्थ्योः राजकिशोर यादव

सारांश

  • काठमाडौं, ९ जेठ ।
  • जनता समाजवादी पार्टी (जसपा) का नेता राजकिशोर यादवले ५ दलीय गठबन्धनबाट आफ्नो पार्टीलाई कुनै फाइदा नभएको बताएका छन् ।
  • नेपाली रेडियो नेटवर्क (एनआरएन) को कार्यक्रम ‘नेपाली बहस’का लागि पत्रकार ऋषि धमलासँग कुरा गर्दै नेता यादवले भने, “यथार्थ कुरा गर्ने हो भने गठबन्धनबाट हामीलाई कुनै फाइदा भएको छैन ।

काठमाडौं, ९ जेठ । जनता समाजवादी पार्टी (जसपा) का नेता राजकिशोर यादवले ५ दलीय गठबन्धनबाट आफ्नो पार्टीलाई कुनै फाइदा नभएको बताएका छन् ।
नेपाली रेडियो नेटवर्क (एनआरएन) को कार्यक्रम ‘नेपाली बहस’का लागि पत्रकार ऋषि धमलासँग कुरा गर्दै नेता यादवले भने, “यथार्थ कुरा गर्ने हो भने गठबन्धनबाट हामीलाई कुनै फाइदा भएको छैन । बरु गठबन्धन बाहिर गएको भए बढी सिट जित्थ्यौं । फाइदा र बेफाइदा खोज्ने भनेको व्यापारमा हो, राजनीतिमा खोज्ने भनेको नीति, मूल्य र मान्यता हो । गठबन्धनका नाममा जबर्जस्ती सिन्डिकेट निर्माण गर्न खोज्दा काठमाडौं, जनकपुर, कलैया, धरान, धनगढीमा स्वतन्त्र मत अभिव्यक्त भयो । यो पार्टी नेतृत्वको छोटे राजाजस्तो बुझाइप्रतिको विद्रोह हो । माथिबाट जबर्जस्ती लाद्दैमा जनताले मान्नेवाला छैनन् । राजनीतिमा आएको संकेतलाई चिन्न सक्नुभएन भने चर्को मूल्य पर्छ । हिजोकै पाराले आफ्नो अनुकूलतामा राजनीतिक भाष्य बनाएर जनतालाई ठग्ने समय छैन ।”
स्थानीय तहको निर्वाचन परिणामलाई लिएर गठबन्धनमा गम्भीर समीक्षा हुने पनि उनले औंल्याए । यादवले भने, “ठूलो पार्टी भयो भने त्यसै चुनाव जितिन्छ, चुनाव चिह्न भयो भने जितिन्छ, जायज नाजायज कुकर्म जे गरे पनि जितिन्छ भन्ने मनोविज्ञानले झापड खाएको छ । जसपा गठबन्धन वा सरकारबाट बाहिरिने कुरा मैले भन्न सक्ने स्थिति छैन । तर अब गठबन्धनको पनि समीक्षा हुन्छ ।”
जसपा नेता यादवले मुलुकमा सरकार छ कि छैन भन्ने अवस्था सिर्जना भएको आरोप पनि लगाए । उनले भने, “जनताको ढाड सेक्ने गरी मूल्यवृद्धि भएको छ । मुलुकमा सरकार छ कि छैन भन्ने अवस्था सिर्जना भएको छ । यो गैरजिम्मेवारीको पराकाष्टा हो । मन्त्रीहरु जनताको सेवा र राहतमा भन्दा पनि शक्ति सञ्चयमा लागेका छन् । जनताले सरकार भएको अनुभूति गर्न पाएका छैनन् । जनप्रतिनिधिका रुपमा म सदनमा जनताको आवाज जोडदार रुपमा उठाउँछु ।”

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

नेपालको पहिलो कोरोना सङ्क्रमित युवतीलाई पुनः सङ्क्रमण
How to Meet Local Asian Women Online and Meet Single Oriental Ladies On the web
जनताको चेतना अभिवृद्धि गर्ने सञ्चारमाध्यम : उपसभामुख
असोज १६ गते शुक्रवारको राशिफल यस्तो छ
असोज १६ गते शुक्रवारको राशिफल यस्तो छ
पीपीएल क्रिकेटः ज्ञानेन्द्रको काठमाण्डौँ संकटमा, चितवन सामु ९५ रनकाे झिनो लक्ष्य प्रस्तुत
पीपीएल क्रिकेटः ज्ञानेन्द्रको काठमाण्डौँ संकटमा, चितवन सामु ९५ रनकाे झिनो लक्ष्य प्रस्तुत
बिजुली गाडी चार्ज गर्न कति खर्च लाग्छ ?
बिजुली गाडी चार्ज गर्न कति खर्च लाग्छ ?
जनतामा स्वच्छ खानेपानी पु¥याउन विकास तथा प्रविधि समितिको निर्देश !
मइ दिवसका अवसरमा-समाजवादी अर्थतन्त्रको विकासका लागि अग्रदस्ता बन्न प्रचण्डको अपिल
कृषि होमस्टेबाट ३८ लाख आम्दानी
कृषि होमस्टेबाट ३८ लाख आम्दानी
दुई देशबीचको सम्बन्धलाई नयाँ उचाइमा पु¥याउन भारत भ्रमण सफलः अध्यक्ष दाहाल
दुई देशबीचको सम्बन्धलाई नयाँ उचाइमा पु¥याउन भारत भ्रमण सफलः अध्यक्ष दाहाल

तपाईंले छुटाउनुभयो कि?