रसुवा-नुवाकोट बाढी क्षेत्रमा विद्युत् पुनःस्थापना तीव्र: वैकल्पिक ऊर्जाबाट बस्ती उज्यालो बनाइँदै
सारांश
- भदौ १० गते रसुवास्थित भोटेकोशी नदीमा आएको विनाशकारी बाढीले ध्वस्त पारेका संरचनाबीच प्रभावित क्षेत्रका नागरिकलाई यथाशीघ्र उज्यालो पुर्याउने उद्देश्यले विद्युत् पुनःस्थापना अभियानलाई तीव्र पारिएको छ।
- बाढीले ठूलो क्षति पुर्याएपछि ऊर्जा, जलस्रोत तथा सिँचाइ मन्त्रालयले घटनाको भोलिपल्टैदेखि उपलब्ध सम्पूर्ण स्रोतसाधन तथा जनशक्ति परिचालन गरी विद्युतीकरणको कार्य अगाडि बढाएको हो।
- विपदको संकटपूर्ण घडीमा नागरिकको आधारभूत आवश्यकतालाई ध्यानमा राख्दै प्राविधिक टोलीहरूले वैकल्पिक उपायहरू अपनाएर मर्मत तथा नयाँ प्रसारण लाइन सञ्चालनमा ल्याइरहेका छन्।
भदौ १० गते रसुवास्थित भोटेकोशी नदीमा आएको विनाशकारी बाढीले ध्वस्त पारेका संरचनाबीच प्रभावित क्षेत्रका नागरिकलाई यथाशीघ्र उज्यालो पुर्याउने उद्देश्यले विद्युत् पुनःस्थापना अभियानलाई तीव्र पारिएको छ। बाढीले ठूलो क्षति पुर्याएपछि ऊर्जा, जलस्रोत तथा सिँचाइ मन्त्रालयले घटनाको भोलिपल्टैदेखि उपलब्ध सम्पूर्ण स्रोतसाधन तथा जनशक्ति परिचालन गरी विद्युतीकरणको कार्य अगाडि बढाएको हो।
विपदको संकटपूर्ण घडीमा नागरिकको आधारभूत आवश्यकतालाई ध्यानमा राख्दै प्राविधिक टोलीहरूले वैकल्पिक उपायहरू अपनाएर मर्मत तथा नयाँ प्रसारण लाइन सञ्चालनमा ल्याइरहेका छन्। यसैक्रममा मङ्गलबार नुवाकोटको विदुर नगरपालिका वडा नं १० र ११ का बाढी प्रभावित बस्तीहरूमा विद्युत् सेवा सफलतापूर्वक पुनः सञ्चालनमा ल्याइएको छ।
सरकारी प्रतिबद्धता र द्रुत कार्यशैलीका कारण हालसम्म रसुवामा करिब ८३ प्रतिशत र नुवाकोटमा करिब ९५ प्रतिशत क्षेत्रमा विद्युत् सेवा पुनःस्थापना भइसकेको छ। नेपाल विद्युत् प्राधिकरणका कर्मचारी तथा प्राविधिक टोलीहरूले जोखिमपूर्ण भूगोलका बाबजुद निरन्तर खटिएर अवरुद्ध प्रसारण लाइनहरू सञ्चालन गर्ने कार्य गरिरहेका छन्।
केन्द्रीय प्रसारण लाइन तत्काल पुर्याउन कठिन भएका दुर्गम तथा उच्च जोखिमयुक्त स्थानहरूमा वैकल्पिक ऊर्जाको प्रबन्ध मिलाइएको छ। वैकल्पिक ऊर्जा प्रवर्द्धन केन्द्रमार्फत सामुदायिक आश्रयस्थलहरूका लागि दुई किलोवाट क्षमताका सोलार प्रणाली र प्रभावित घरपरिवारलाई व्यक्तिगत सोलार प्रणाली वितरण गर्ने कार्य प्रभावकारी रूपमा अघि बढाइएको छ।
बाढीका कारण अन्धकारमा परेका बस्तीहरूमा नेपाल विद्युत् प्राधिकरण र वैकल्पिक ऊर्जा प्रवर्द्धन केन्द्रका कर्मचारीहरू संयुक्त रूपमा अहोरात्र खटिएका छन्। बाढी प्रभावित सम्पूर्ण क्षेत्रमा शतप्रतिशत विद्युत् सेवा पुनः कायम नभएसम्म मर्मत तथा सोलार जडानको यो अभियान निरन्तर जारी रहने मन्त्रालयले जनाएको छ।
कुल कमेन्ट:
0
Asmita Ramtel
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया