गोर्खा राईफल्सका एक्स–सर्विसमेन हवल्दार गुरुङ्गको ‘जुनी’ सार्वजनिक (भिडियोसहित)

अहिलेको अवस्थामा नेपाली गीत संगीतको आफ्नै फरक पन भईसकेको छ । धेरै नया नया कुराहरु नेपाली गीत संगीतमा देखिन थालिसकेको छ । नया प्रयोगले नेपाली गीत संगीतको स्तर पनि धेरै हदले बढाएको देखिन्छ । यस्तै एउटा नया कुरा बाहिर आएको छ जुन सुन्दा केहि फरक लाग्न सक्छ तर यो सत्य नै हो । गित एक संगीत अनेक यो सुन्दा अलिक अनौठो लाग्छ तर यो कुरालाई एक्स-सर्विसमेन हवल्दार नीर प्रसाद गुरुङले सम्भव पारेका छन् । उनि रचनाकार हुन् । उनले नेपाली गीत संगीतको इतिहासमा पहिलो पटक एकल शब्द र संगीतमा एउटा पृथक नौलोपनको गीति सङ्ग्रह “जुनि” नामक एल्बम सबैको सामु लिएर आएका छन् जसमा गीतको शब्द एक छ तर उक्त शब्दमा संगीत अनेक छ ।

उनले सार्वजनिक गरेको “जुनि” एल्बममा ४ वटा गित समावेश गरिएको छ । उक्त ४ वटा गीतको शब्द एउटै रहेको छ तर उक्त एउटै शब्दको गीतमा श्रोताहरुले अलग अलग कम्पोज सहितको सुर लयमा गीत सुन्न पाउनुहुनेछ । यहि अनुरुप यति बेला उक्त एल्बमको “यो जुनिमा बाचुन्जेल सम्म” बोलको गीत सार्वजनिक भएको छ जसमा गायक प्रमोद खरेलको स्वर समावेश छ ।

यस गितका संगीत संयोजन बहुचर्चित बि. बि. अनुरागीले गरेका छन् । यस्तै गीतको दिपक सुनारले रेकर्डिङ र शुकुराम बिश्वकर्माले मिक्सिङ-मास्टेरिङ गरेका छन् । गीतको भिडियो पनि निकै राम्रो बनेको छ । प्रकाश धितालको निर्देशन र उत्सव दाहालको छायांकनमा भिडियोमा मोडेलहरु सनम कठायत र अन्जु चौलागाइले निकै नै उत्कृष्ट अभिनय गरेका छन् । भिडियोको सम्पादन गर्ने काम भने निशान घिमिरेले गरेका छन् ।

उक्त एल्बम भित्रको गीतको रचना एक्स-सर्विसमेन हवल्दार नीर प्रसाद गुरुङले एउटा पारिवारिक वातावरण लाई समेटेर बनाएको देखिन्छ । अधिकांशले गीतको शब्दको प्रशंसा गरेको पाईएको छ । सबैले यस गीतको शब्द सुन्दर पाउनुको मुख्य विशेषता भनेको गीत रचना गर्दा धेरै भन्दा धेरै शब्दको “अनुप्रास” मेल खाना आएको पाइन्छ । पढाईमा “एस एल सि” गरेपछी भारतिय सेनामा भर्ती भएर उनले मिलिटरी म्युजिक विङ्ग कलेज मध्य प्रदेश भारतबाट पश्चिमी संगीत ” डो- रे- मि- फा” बाट “ईन्टर अफ म्युजिक” को पढाई गरे ।

यसका साथै उनि संग सैन्य संगीत डिपार्ट्मेन्टमा नै १७ साल काम गरेको अनुभव पनि रहेको छ । इश्वी संवत १९८५ मा भारतीय सेनामा भर्ती भएर १४ गोर्खा ट्रेनिङ्ग सेन्टर हिमाचल प्रदेशको सुबाथुमा ट्रेनिङ्ग पूरा गरि सपथ लिएपछी जर्नल वीर अमर सिंह थापाको पल्टन “द मलौन रेजिमेन्ट” १/१ गोर्खा राईफल्समा सेवा गरेर हवल्दार रैन्कबाट इश्वी संवत २००२ मा सेवाबाट अवकाश लिएर हालमा निरन्तर नेपाली संगीत क्षेत्रमा उनि आबद्ध रहेका छन् । उनले आफ्नो यो एल्बम धेरै लामो समयको प्रयास रहेको बताएका छन् । धेरै सोच विचार र मेहेनत पछि आफुले यो काम सम्भव पारेको उनले बताए ।

उनको यो प्रयासले नेपाली गीत संगीतमा एउटा नयापन थपिएको छ । यस्तै यस्तै व्यक्तिहरुको प्रयासले नै आज सम्म नि नेपाली गीत संगीतको इतिहास ज्युदो रहेको देखिन्छ । नेपाली गीत संगीतको विकासको लागि आफु सधैब प्रयासरत रहेको उनको भनाई छ । उनि यति बेला नेपाल भन्दा बाहिर रहेका छन् । तर उनको मन नेपाली गीत संगीतमा छ । बिदेशमा ब्यस्त जीवनमा रहेका उनि गीत संगीतको लागि भने समयको कमि हुन् दिदैनन । उनले आफ्नो यो फरक प्रयासलाई सबैले साथ दिने विश्वास रहेका छन् । आफ्नो यो प्रस्तुति हेरेर सहि ढंगले मुल्यांकन गरि सल्लहा सुझाब प्रदान गरिदिनुहुनको लागि उनले सबैलाई बिनम्र अनुरोध गरेका छन् ।

https://www.youtube.com/watch?v=3SbHM0urfQY