दृष्टिविहीन गिटी कुटेर परिवार पाल्दै

Abhiyanpost Abhiyanpost
|
मंगलबार, भाद्र २७, २०७४
|
|
६३ पटक हेरिएको
Shares
दृष्टिविहीन गिटी कुटेर परिवार पाल्दै

सारांश

  • बेनी (म्याग्दी), २७ भदौ ।
  • बेनी नगरपालिका– २ ज्यामरुककोट फाँपरखेतका आइतबहादुर दर्जीको एउटा हातमा लठ्ठी र अर्को हातमा सधैँ हथौडा हुन्छ ।
  • एका बिहानै उठेर अरुकोमा ज्याला मजदुरी गर्न जाने दर्जी दृष्टिविहीन भए पनि परिवारमा उहाँको ठूलै जिम्मेवारी छ ।

बेनी (म्याग्दी), २७ भदौ । बेनी नगरपालिका– २ ज्यामरुककोट फाँपरखेतका आइतबहादुर दर्जीको एउटा हातमा लठ्ठी र अर्को हातमा सधैँ हथौडा हुन्छ ।

एका बिहानै उठेर अरुकोमा ज्याला मजदुरी गर्न जाने दर्जी दृष्टिविहीन भए पनि परिवारमा उहाँको ठूलै जिम्मेवारी छ । आर्थिक अवस्था कमजोर तथा अरु कुनै काम गर्ने सीप नहुँदा दर्जीले गिटी कुटेर गुजारा चलाउँदै आउनुभएको छ ।

श्रीमती र छोराको सहारामा मजदुरीका लागि पुग्ने गरेका दर्जी गाउँकै सार्वजनिक जग्गामा छाप्रोमा बस्नुहुन्छ । दर्जीको अवस्था देखेका र हाल विदेशमा रहनुभएका प्रदीप सुवेदी, भूमिराज कार्कीलगायतले रु एक लाख ४० हजार संकलन गरी उहाँलाई सहयोग गर्नुभएको हो । दर्जीका दुई छोरा १२ र ६ कक्षामा अध्ययरत छन् ।

“गुजरा चलाउन गिटी कुट्छु । मेरो कमाइले घरमा बिहानबेलुकी चुलो बल्छ,” दर्जीले भन्नुभयो । छोराको पढाइका लागि बेनीका नरेश श्रेष्ठले वार्षिक रु १० हजार बराबरको शैक्षिक सामग्री उपलब्ध गराएपछि दर्जीलाई केही राहत मिलेको छ । उहाँको कान्छो छोराको आँखा पनि कमजोर छ । ‘क’ वर्गको अपाङ्गता परिचयपत्रबाट प्राप्त हुने भत्ताले कान्छो छोराको आँखाका लागि नियमित औषधिको व्यवस्था गर्नुपर्ने उहाँ बताउनुहुन्छ ।

सार्वजनिक जग्गामा बनाएको छाप्रो नगरपालिकाले सडक विस्तार गर्न भत्काउने भएपछि दर्जी चिन्तित बन्नुभएको छ । “छाप्रो भत्काएपछि मेरो उठिवास हुन्छ,” उहाँले भन्नुभयो । दृष्टिविहीन भएकाले गिटी कुट्नबाहेक अरु केही गर्न नसक्ने दर्जीले सहयोगको याचना गर्नुभएको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

स्याङ्जामा भएको बुथ कब्जाको विवाद निर्वाचन आयोगमा, मतगणना अन्योलमा
स्याङ्जामा भएको बुथ कब्जाको विवाद निर्वाचन आयोगमा, मतगणना अन्योलमा
प्रधानमन्त्री प्रचण्डद्वारा आपसी विश्वास, साझेदारी र एकताबद्ध भएर अघि बढ्न विश्व समुदायसँग अपिल
प्रधानमन्त्री प्रचण्डद्वारा आपसी विश्वास, साझेदारी र एकताबद्ध भएर अघि बढ्न विश्व समुदायसँग अपिल
बसपार्कमा टर्मिनल भवन निर्माण
बसपार्कमा टर्मिनल भवन निर्माण
कमल थापा पनि एमसिसीको पक्षमा, देशको हितमा छैन भन्नु गलत
कमल थापा पनि एमसिसीको पक्षमा, देशको हितमा छैन भन्नु गलत
पर्यटन बोर्डका सीईओको पदबहाली
पर्यटन बोर्डका सीईओको पदबहाली
विवादकै कारण केन्द्रीय बैंकका गभर्नरद्वारा राजीनामा
विवादकै कारण केन्द्रीय बैंकका गभर्नरद्वारा राजीनामा
देश कसले चलाएको रहेछ भन्नेकुरा राम्रोसँग थाहा पायौँः सभापति लामिछाने
देश कसले चलाएको रहेछ भन्नेकुरा राम्रोसँग थाहा पायौँः सभापति लामिछाने
३ अर्ब अनुदानको लोभले चिनियाँ जहाजबाट झण्डै छ अर्ब स्वाहा, अब उडान नगर्ने निर्णय
३ अर्ब अनुदानको लोभले चिनियाँ जहाजबाट झण्डै छ अर्ब स्वाहा, अब उडान नगर्ने निर्णय
आठबुँदे घोषणापत्र जारी गर्दै सकियो महिला नेतृत्व शिखर सम्मेलन
आठबुँदे घोषणापत्र जारी गर्दै सकियो महिला नेतृत्व शिखर सम्मेलन
राष्ट्रपति पौडेलको स्वास्थ्य परीक्षण
राष्ट्रपति पौडेलको स्वास्थ्य परीक्षण

तपाईंले छुटाउनुभयो कि?