प्युठानमा जीप दुर्घटना: ६ जनाको मृत्यु, ३ घाइते

सलिम अन्सारी।११ चैत, प्युठान ।

धार्मिकस्थल स्वर्गद्धारी दर्शनका लागि आएको जीप भिङ्ग्रीमा दुर्घटना हुँदा छ जनाको मृत्यु भएको छ भने तीन जना घाइते भएका छन् । घाइतेमध्ये दुई महिलाको अवस्था गम्भीर छ। बिहिबार आधार शिबिर भिङ्ग्रीमा बास बसेर आज बिहान स्वर्गद्धारी दर्शनका जादै गर्दा रुमाले भन्ने स्थानमा उक्त स्कारपियो जिप दुर्घट्नामा परेको हो।
स्वर्गद्वारी दर्शनका लागि ललितपुर सातदोबाटोबाट आएको बा ८ च १५६१ जीप आज बिहान पौने ८ बजे दुर्घट्नामा परेको प्रहरीले बताएको छ।जिप सडकबाट दुई सय मिटर तल खसेको जनाइएको छ ।
मृत्यु हुनेमा ५ महिला र १ पुरुष रहेका छन् । दुर्घटनामा २ महिला र सवारी चालक गरी तीन जना घाइते भएका छन् ।

घाइते चालक ललितपुर जिल्ला गोठीखेल २ का २१ वर्षीय सरोज घले र एक महिलाको प्राथमिक स्वास्थ्य केन्द्र भिंगृमा उपचार भैरहेको छ । एक महिलालाई त्यहाबाट बुट्वल रिफर गरिएको प्रहरीले जनाएको छ ।
जीपमा चालक सहित ९ जना यात्रु सवार थिए । दुर्घटनास्थलबाट स्वर्गद्वारी आश्रम तीन किलोमिटरको दूरीमा पर्छ ।
मृतकको सनाखत हुन नसकेको प्रमुख जिल्ला अधिकारी यदुनाथ पौडेलले बताए ।
नेपाली सेना,प्रहरी र स्थानियको सहयोगमा घाइतेको उद्धार गरिएको पौडेलले बताए।