गिद्ध, रेडपाण्डा र चिरकालिजको संरक्षणमा जोड
सारांश
- जाजरकोट, ११ फागुन, गिद्ध र रेडपाण्डाको संरक्षणमा गम्भीर हुनुपर्नेमा सरोकारवालाले जोड दिएका छन् ।
- जाजरकोटका सबै स्थानीय तहले गिद्ध र रेडपाण्डा संरक्षणका लागि बजेट विनियोजन नगर्दा संरक्षणका लागि काम गर्न समस्या भएको पक्षी संरक्षणमा लागेका गोविन्द सिंहले बताउनुभयो ।
- जाजरकोटको बारेकोट गाउँपालिका र नलगाड नगरपालिकामा सबैभन्दा बढी गिद्ध र रेडपाण्डा पाइन्छ ।
जाजरकोट, ११ फागुन, गिद्ध र रेडपाण्डाको संरक्षणमा गम्भीर हुनुपर्नेमा सरोकारवालाले जोड दिएका छन् ।
जाजरकोटका सबै स्थानीय तहले गिद्ध र रेडपाण्डा संरक्षणका लागि बजेट विनियोजन नगर्दा संरक्षणका लागि काम गर्न समस्या भएको पक्षी संरक्षणमा लागेका गोविन्द सिंहले बताउनुभयो ।
जाजरकोटको बारेकोट गाउँपालिका र नलगाड नगरपालिकामा सबैभन्दा बढी गिद्ध र रेडपाण्डा पाइन्छ । विश्वमै लोपोन्मुख प्रजातिका सुन गिद्ध, रेडपाण्डा र चिरकालिज जाजरकोटमै पाइन्छ । जाजरकोटमा पाइने यी लोपोन्मुख प्रजातिको संरक्षणमा स्थानीय सरकार गम्भीर बन्न नसकेकोमा सिंहले दुःख व्यक्त गर्नुभयो ।
पर्याप्त जनचेतना नहुँदा चिरकालिज, रेडपाण्डा र गिद्धलाई जथाभावी मार्ने काम भइरहेको छ । चिरकालिजको चोरी, सिकारी, गिद्धलाई विष हालेर र रेडपाण्डाको महत्व नबुझी मार्ने गरिएको छ ।
यसको संरक्षणका लागि जिल्लामा व्यापक जनचेतना अभियान सञ्चालन गर्नुपर्छ, संरक्षकर्मी सिंहले भन्नुभयो — “विश्वमै लोपोन्मुख प्रजातिका सुन गिद्ध, रेडपाण्डा र चिरकालिजको संरक्षणमा स्थानीय तह गम्भीर हुनुपर्छ ।“
प्रतिक्रिया