पश्चिम दाङमा तोरी क्षेत्रको योजना

Abhiyanpost Abhiyanpost
|
बिहिबार, आश्विन ११, २०७५
|
|
५७ पटक हेरिएको
Shares
पश्चिम दाङमा तोरी क्षेत्रको योजना

सारांश

  • घोराही, ११ असोज ।
  • जिल्ला कृषि विकास कार्यालयले जिल्लाको पश्चिम क्षेत्रलाई तोरी क्षेत्रका रुपमा अगाडि सार्ने योजना बनाएको छ ।
  • कार्यालयले जिल्लामा तेलहन पदार्थको आयात घटाउन तथा स्थानीयवासीलाई आत्मनिर्भर बनाउन उक्त कार्यक्रम अगाडि बढाइएको हो ।

घोराही, ११ असोज ।जिल्ला कृषि विकास कार्यालयले जिल्लाको पश्चिम क्षेत्रलाई तोरी क्षेत्रका रुपमा अगाडि सार्ने योजना बनाएको छ ।कार्यालयले जिल्लामा तेलहन पदार्थको आयात घटाउन तथा स्थानीयवासीलाई आत्मनिर्भर बनाउन उक्त कार्यक्रम अगाडि बढाइएको हो । पश्चिम दाङको खेतीयोग्य जमीनलाई तोरी क्षेत्रका रुपमा स्थापित गर्नसके जिल्ला तेलहनमा आत्मनिर्भर हुने देखिन्छ । जिल्ला कृषि विकास कार्यालयले प्रधानमन्त्री कृषि आधुनिकीकरण परियोजनाअन्तर्गत पश्चिम दाङका शान्तिनगर, बबइ र दङ्गीशरण गाउँपालिकालाई तोरी क्षेत्रका रुपमा विस्तार गर्न लागेको हो ।

कार्यालयका वरिष्ठ कृषि विकास अधिकृत दीपककुमार शर्माले पश्चिम दाङका तीनवटै गाउँपालिकाका वडा तोरीका लागि उर्बर मानिन्छन् । परम्परागतरुपमा हँुदै आएको तोरी उत्पादनलाई आधुनिकीकरण गरी उत्पादन क्षमतालाई वृद्धि गरी जिल्लालाई तोरीमा आत्मनिर्भर बनाउने लक्ष्य रहेको शर्माले बताउनुभयो । “पश्चिम दाङ तोरी उत्पादनका लागि उर्बर भूमी हो,” उहाँले भन्नुभयो, “रोजगारको सम्भावनासमेत बढ्छ ।”विभिन्न कृषि समूह, सहकारी एवं स्थानीय कृषकको सूची तयार गरी सोहीअनुरुप बीउ वितरण गरिने कार्यालयले जनाएको छ ।

सामान्यतया कुनै क्षेत्रलाई क्षेत्रका रुपमा विस्तार गर्न थालेपछि त्यस क्षेत्रमा सडकको पहुँच, सिँचाइको उपलब्धता, तोकिएको क्षेत्र एउटै कोरिडोरमा रहेको, वित्तीय संस्थाको पहँुच तथा बजारको उपलब्धता भएको हुनुपर्छ । सोहीअनुरुप सिँचाइ मन्त्रालय, सडक विभाग, स्थानीय बजार, कृषक, स्थानीय निकाय सबैसँग समन्वय गरी अगाडि बढ्ने शर्माको भनाइ छ ।प्रधानमन्त्री कृषि आधुनिकीकरण परियोजनाका अनुगमन योजना अधिकृत गोविन्दप्रसाद शर्माले तोरी क्षेत्र विस्तारका लागि सरकारले फरकफरक खालका उन्नत जातका तोरीका बीउ वितरण गर्दै आएको बताउनुभयो ।

“तेलहन बाली सधैँ विदेशबाट आयात गरिन्छ,” उहाँले भन्नुभयो, “यसलाई रोक्न सरकारले तोरी उत्पादनमा मात्रै नभई बजारीकरण, भण्डारण र प्रशोधनको कार्यक्रम अगाडि सारेको हो ।” सरकारको १० वर्षभित्र दाङलाई तोरीमा आत्मनिर्भर बनाउने योजना छ ।दङ्गीशरण गाउँपालिकाका अध्यक्ष भागीराम चौधरी खेतीयोग्य जमीन खण्डीकरण भइरहेका कारण तोरी क्षेत्रलाई बाधा पुगेको बताउनुहुन्छ । सिँचाइको सुविधा भएका सबै खेतबारी धमाधम खण्डीकरण भइरहेको छ । “खण्डीकरण रोक्न सके मात्रै कार्यक्रम प्रभावकारी हुन्छ,” उहाँले भन्नुभयो । बबइ गाउँपालिकाका अध्यक्ष भुवनेश्वर पौडेल अहिले कृषि उत्पादन बिक्री वितरणमा विचौलियाको बिगबिगी भएको बताउनुहुन्छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

चार दिन भित्र उम्मेदवारको नाम सिफारिस गर्न कङ्रेसको निर्देशन
चार दिन भित्र उम्मेदवारको नाम सिफारिस गर्न कङ्रेसको निर्देशन
जोशी फेल भएपछि नयाँ प्रधानन्यायाधीश गर्न भोलि संवैधानिक परिषद्को बैठक, को होला प्रधानन्यायाधीश ?
जोशी फेल भएपछि नयाँ प्रधानन्यायाधीश गर्न भोलि संवैधानिक परिषद्को बैठक, को होला प्रधानन्यायाधीश ?
प्रधानमन्त्री ओलीको स्वास्थ्यमा सुधारको क्रम जारी
प्रधानमन्त्री ओलीको स्वास्थ्यमा सुधारको क्रम जारी
राष्ट्रिय सभाको शून्य समय : कसले के भने ?
राष्ट्रिय सभाको शून्य समय : कसले के भने ?
विरोध स्वरुप नेविसंघले दियो देउवालाई चश्मा उपहार, के भने पौडेलले …
विरोध स्वरुप नेविसंघले दियो देउवालाई चश्मा उपहार, के भने पौडेलले …
सलमान खानलाई च्यालेञ्ज दिने बलिउड हिरोइन !
सलमान खानलाई च्यालेञ्ज दिने बलिउड हिरोइन !
अनुसन्धान गर्ने प्रहरीलाई नै निलम्बनको माग
अनुसन्धान गर्ने प्रहरीलाई नै निलम्बनको माग
सरकारले ९ वटा अस्पताललाई संघको मातहतमा राख्यो
सरकारले ९ वटा अस्पताललाई संघको मातहतमा राख्यो
पायल्सबाट २४ घण्टामा छुटकारा पाउने घरेलु उपचार विधि
पायल्सबाट २४ घण्टामा छुटकारा पाउने घरेलु उपचार विधि
सरकारलाई यातायात व्यवसायीको धम्की, निर्देशिका खारेज गर्न माग
सरकारलाई यातायात व्यवसायीको धम्की, निर्देशिका खारेज गर्न माग

तपाईंले छुटाउनुभयो कि?