ओखलढुङ्गाको तीनछाँगे झरना पर्यटनको नयाँ गन्तव्य बन्दै
सारांश
- ओखलढुङ्गाको सुनकोशी गाउँपालिका–९ ककनीमा अवस्थित तीनछाँगे झरनाले पर्यटनको सम्भावना बोकेको छ।
- ककनी खोलाको शीरमा प्रसिद्ध धार्मिक स्थल ककनी चम्पादेवी मन्दिर रहेकाले यस क्षेत्रलाई धार्मिक तथा इको-पर्यटनको संयुक्त गन्तव्यका रूपमा विकास गर्न सकिन्छ।
- ५०० मिटरकै दूरीमा रहेका तीनवटा झरनाको अद्वितीय प्राकृतिक सौन्दर्यले साहसिक र पदयात्रा मन पराउने पर्यटकहरूलाई आकर्षित गर्ने सक्ने सम्भावना छ।
ओखलढुङ्गाको सुनकोशी गाउँपालिका–९ ककनीमा अवस्थित तीनछाँगे झरनाले पर्यटनको सम्भावना बोकेको छ। ककनी खोलाको शीरमा प्रसिद्ध धार्मिक स्थल ककनी चम्पादेवी मन्दिर रहेकाले यस क्षेत्रलाई धार्मिक तथा इको-पर्यटनको संयुक्त गन्तव्यका रूपमा विकास गर्न सकिन्छ। ५०० मिटरकै दूरीमा रहेका तीनवटा झरनाको अद्वितीय प्राकृतिक सौन्दर्यले साहसिक र पदयात्रा मन पराउने पर्यटकहरूलाई आकर्षित गर्ने सक्ने सम्भावना छ।
स्थानीय तामाङ र सुनुवार समुदायले आफ्नै प्रयासमा सञ्चालन गरेका होमस्टेहरूले रैथाने संस्कृति, परम्परागत खानपान र आतिथ्य सत्कारको अनुभव प्रदान गर्छन्। यदि पर्यटकको आगमन नियमित हुन सकेमा यसले स्थानीय युवाहरूका लागि स्वरोजगारका अवसर सिर्जना गरी बसाइँसराइ कम गर्न प्रत्यक्ष सहयोग पुर्याउनेछ।
हाल प्रदेश र स्थानीय सरकारले गोरेटो बाटो, रेलिङ र काठेपुलजस्ता प्रारम्भिक संरचना निर्माण गरे तापनि दोस्रो र तेस्रो झरनासम्म सुरक्षित पहुँच पुर्याउन थप लगानी आवश्यक देखिन्छ। ककनी गाउँसम्मको सडक सञ्जाललाई स्तरोन्नति गर्दै झरनासम्म पुग्ने पदमार्गलाई थप सुरक्षित बनाउनु अहिलेको मुख्य आवश्यकता हो।
ओखलढुङ्गा सदरमुकामबाट कटुञ्जे हुँदै सहजै पुग्न सकिने यो गन्तव्य प्राकृतिक शान्ति र सुन्दरताको खोजीमा रहेका जो-कोहीका लागि एक अविस्मरणीय अनुभव हुनेछ। झरनासम्मको पहुँच सहज बनाउन सडक तथा पदमार्ग सुधार र थप पूर्वाधार निर्माण गर्न सके पर्यटक आगमन बढाउन सकिने स्थानीयको अपेक्षा छ।
कुल कमेन्ट:
0
Asmita Ramtel
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया