अछाम,उदयपुर,गुल्मी,रोल्पा,बाजुरा,डोटी को ताजा पारीणाम
सारांश
- अछामको रामारोशन गाउँपालिकामा माओवादी केन्द्रको अग्रता अछामको रामारोशन र धकारी गाउँपालिकामा मतगणना सुरु भएको छ ।
- रामारोशनमा माओवादी केन्द्रले अग्रता लिएको छ ।
- १ सय १२ मत सहित अध्यक्षमा माओवादीले अग्रता लिएको हो ।
उदयपुरको ताप्ली गाउँपालिकाको १ र २ नम्वर वडामा एमालेको प्यानलनै विजयी भएको छ । गएराति देखि नै मतगणना सुरु भएको उदयपुरको ताप्ली गाउँपालिकाको दुई वटा वडामा मतपरिणाम सार्वजनिक भएको हो ।
१ नम्बर वडामा गोविन्दसेन ठकुरीले ४ सय ३६ मत ल्याएर वडा अध्यक्ष जित्नुभएको छ । त्यस्तै २ नम्बर वडामा धर्मध्वज राईले ३ सय २४ मत ल्याएर वडा अध्यक्ष जित्नुभएको छ । दुवै वडामा कांग्रेस किटतम प्रतिद्धन्दी रहेको थियो । प्रमुख र उपप्रमुखमा पनि एमालेकै अग्रता छ ।
रोल्पाका १० वटा स्थानीय तहमध्ये १० अोटामा मतगणना भैरहेको छ । माओवादीको गढ मानिएको रोल्पाका केही ठाउँमा एमाले र कांग्रेसले अग्रता लिइरहेका छन् । तर केही तहमा भने अन्य दल निकै पछाडी देखिएका छन् ।
रोल्पाको दुइखोली गाउँपालिकामा नेकपा माओवादीका अध्यक्षका उम्मेद्वारले ६ सय ६८ मत पाउँदा एमालेका उम्मेद्वारले जम्मा ८ मत पाएका छन् । यस्तै नेपाली कांग्रेसका उम्मेद्वारले २८ मत ल्याएका छन् ।
गुल्मीमा दुई नगरपालिकासहित दश गाउँपालिकाको स्थानीय तहको चुनावमा ११ वटामा मतगणना जारी छ । बुधबार रातिदेखि मतगणना सुरु गरिएका गाउँपालिकाहरुका केही वडाहरुको नतिजा सार्वजनिक गरिएको छ ।
सार्वजनिक नतिजा अनुसार गुल्मी दरवार गाउँपालिकाको वडा नं १ को वडा अध्यक्षमा एमालेका राम बहादुर पल्ली सहितको प्यानल विजयी बनेको छ । पल्लीले ७ सय ६६ मत प्राप्त गर्नु भएको छ भने उहाँका निकटतम प्रतिस्पर्धी नेपाली कांग्रेसका प्रेम पुनले ६ सय ५८ मत प्राप्त गरेर पराजित बन्नु भएको छ ।
त्यसैगरि दरवार गाउँपालिकाको वडा नं ७ मा नेपाली कांग्रेसका टोप बहादुर बस्नेतको प्यानल विजयी बनेको छ । उहाँले ८ सय ३० मत प्राप्त गर्नु भएको छ भने उहाँका प्रतिस्पर्धी एमालेका खुमलाल अर्यालले ४ सय ४४ मत ल्याएर पराजित हुनुभएको छ ।
पछिल्लो परिणाम अनुसार गुल्मीको रेसुंगा नगरपालिका र गुल्मी दरवार गाउँपालिकामा नेपाली कांग्रेसले अग्रता लिएको छ भने रुरु र छत्रकोट गाउँपालिकामा नेकपा एमालेले अग्रता लिएको छ । चन्द्रकोट गाउँपालिकामा भने माओवादी केन्द्रले अग्रता लिएको छ । जिल्लाको ११ स्थानीय तहमा मतगणना जारी रहे पनि मदाने गाउँपालिकामा भने एमाले र कांग्रेसको विवादका कारण अझै मतगणना सुरु भएको छैन ।
बाजुराको गौमुल गाउँपालिका–१ को मतगणना सकिएको छ । एमालेका बलबहादुर रोकाया ५ सय ९० मत सहित वडाध्यक्षमा विजयी हुनुभएको छ । वडा नम्बर १ मा वडाध्यक्ष सहित प्यानलनै विजयी भएको छ ।
यस्तै गौमुल गाउँपालिकामा अध्यक्ष र उपाध्यक्षमा एमालेले अग्रता लिएको छ । एमालेका हरि रोकाया ८ सय ९४ र उपाध्यका उम्मेदवार एमालेकै सीता रोकाया ८ सय ५४ मत सहित अगाडि हुनुहुन्छ । त्यस्तै कंग्रेसका अध्यक्षका उम्मेदवार देव बहादुर रोकाया ३ सय ८० र उपाध्यक्षका उम्मेदवार उमा रोकायाले ३ सय ९२ मत ल्याउनुभएको ।
डोटीमा सबै स्थानीय तहका मतगणना सुरु भएको छ । दुई नगरपालिका र पाँच गाउँपालिका रहेको डोटीमा १ लाख १ हजार २१ मतदाता रहेका छन् । डोटीमा सात मध्ये ६ स्थानीय तहको पछिल्लो मत परिणाम
आदर्श गाउँपालिका
कांग्रेस: अध्यक्ष लक्षणबहादुर सिंह १३८ र उपाध्यक्ष कृष्णा ओझा १२८
एमाले: अध्यक्ष टेकबहादुर रोकाया १६१ र उपाध्यक्ष कमला ओझा १६५
माओवादी केन्द्र: अध्यक्ष भरत बोहरा ३२ र उपाध्यक्ष सञ्जा रोकाया ४०
दिपायल सिलगढी नगरपालिका
कांग्रेस: मेयर बाजीसिंह खड्का ४८७ र उपमेयर प्रसिस महरा ३३१
एमाले: मेयर मञ्जु मलासीले १८७ र उपमेयरका शिवराज खड्का १९६
माओवादी केन्द्र: मेयर प्रेम नेपाली ८७ र उपमेयर तुलसी सोब ३३८
शिखर नगरपालिका
कांग्रेस: मेयर सिताराम जोशी ६०६ र उपमेयर धौलीदेबी रावल ६१२
एमाले: मेयर शेरबहादुर मल्ला ४३२ र उपमेयर राधिका बोहरा ४४४
माओवादी केन्द्र: मेयर रमेश जोशी १४ र उपमेयर चन्द्रा साउद १४
डाक्टर केआई सिंह गाउँपालिका
कांग्रेस: अध्यक्ष लोकेन्द्र शाही २४२ र उपाध्यक्ष मिना विष्ट २४२
एमाले: यज्ञराज जोशी १०९ र उपाध्यक्ष निर्मला जोशी १०९
राष्ट्रिय जनमोर्चा: अध्यक्ष मिनबहादुर मलासी १११ र उपाध्यक्ष हरिना भण्डारी १११
सायल गाउँपालिका
कांग्रेस: अध्यक्ष धर्मराज जोशी २२ र उपाध्यक्ष पुर्णमाया थापा (विष्ट) २१
एमाले: अध्यक्ष तेजबहादुर डुम्रेल २१ र उपाध्यक्ष विष्णा सिंह ०
माओवादी केन्द्र: अध्यक्ष बलबहादुर ओली ० र उपाध्यक्ष रेखा मडै २१
बड्डिकेदार गाउँपालिका
कांग्रेस: अध्यक्ष कृष्णबहादुर चन्द ९६ र उपाध्यक्ष चन्द्रा बोहरा ९६
एमाले: अध्यक्ष भक्तबहादुर साउद ६४ र उपाध्यक्ष भुवन मल्ल ६२
माओवादी केन्द्र: अध्यक्ष जंगबहादुर विक २९ र उपाध्यक्ष धनमाया घर्तिमगर २३
प्रतिक्रिया