अमेरिकी राष्टपतिको साउदीलाई चेतावनी पत्रकार हत्यामा संलग्नता भए कडा कारवाही

टर्कीको इस्तानबुलस्थित साउदी दुतावासबाट बेपत्ता भएका चर्चित पत्रकार जमाल खाशोग्गीको हत्यामा साउदी अरबको संलग्न रहेको प्रमाणित भएका कडा कारवाही गर्ने चेतावनी दिएका छन् । साउदी राजपरिवारका कडा आलोचक पत्रकार खाशोग्गी अक्टोबरमा इस्तानबुलस्थित साउदी दुतावास गएदेखि बेपत्ता छन् ।

टर्कीका अधिकारीले खाशोग्गीको साउदी दुतावासभित्रै हत्या गरी शवलाई गायब पारिएको आशंका गरेका छन् । तर टर्कीको यो आरोपलाई साउदीले खण्डन गरेको छ ।

शनिबार एक टेलिभिजनमा बोल्दै अमेरिकी राष्टपतिले यदि पत्रकार हत्यामा साउदी संलग्न भेटिए अमेरिका क्रुद्ध बन्ने भनेका छन् । उनले यो विषयमा गहिरो अनुशन्धान भइरहेको र जे आरोप साउदी माथि लागिरहेको छ, अनुशन्धान पछि त्यही सत्य भए अमेरिका निराश र आक्रोशित हुने पनि उनले बताए ।

यसैबीच टर्कीका विदेशमन्त्री मेवलुत कावासोगलुले साउदी दुतावास भित्रै गएर टर्कीका अधिकारीले अनुशन्धान गर्न पाउनु पर्ने अनुमति मागेका छन् ।