गत असोज महिनामै विज्ञापन गर्ने योजना भएपनि समयमै कर्मचारी विनियमावली शंसोधन हुन नसक्दा विज्ञापन खुलाउन केहि ढिलो भएको बाणिज्य बैंकका प्रमुख कार्यकारी अधिकृत किरण कुमार श्रेष्ठले जानकारी दिए । अहिले कर्मचारी विनियमावली शंसोधन कार्य अन्तिम चरण पुगेको छ ।
लोक सेवा आयोग र अर्थमन्त्रालयबाट स्वीकृत भई अहिले फाइल नेपाल राष्ट्र बैंक पुगेको छ । नेपाल राष्ट्र बैंकबाट उक्त फाइल स्वीकृत हुने वित्तिकै विज्ञापन गर्ने तयारीमा बाणिज्य बैंक जुटेको श्रेष्ठको भनाई छ । उनले पुस पहिलो साता विज्ञापन गर्न नसकेको खण्डमा बैंकलाई जनशक्ति अभावमा कार्यसम्पादन गर्न गाह्रो हुने अवस्था आउने बताए । यो वर्ष ४३ वटा शाखा बढाउने तयारी रहेको र भर्ना प्रक्रिया समयमा गर्न नसके सबै कुरा प्रभावित हुने श्रेष्ठको भनाई छ ।
राष्ट्रिय बाणिज्य बैंकको परीक्षाका लागि तयारी गरिरहेको परिक्षार्थीहरुलार्इ सुझाब दिदै सिइओ श्रेष्ठले भने लोकसेवा आयोगले जाँच लिने हो, कुनै सोर्स लाग्दैन, त्यसैले ढुक्क भई पढ्नुहोस् ।’
प्रतिक्रिया