उम्मेदवार छान्दै दलहरु
सारांश
- काठमाडौं, ९ माघ – राजनीतिक दलहरुले आज राष्ट्रियसभा सदस्यको उम्मेदवार टुंगाउनुपर्ने वाध्यता बनेको छ ।
- निर्वाचन आयोगको कार्यतालिका अनुसार माघ २४ मा हुने राष्ट्रियसभा सदस्य निर्वाचनका लागि भोलि उम्मेदवार मनोनयन गर्नुपर्नेछ ।
- त्यसैले दलहरुले आफ्ना उम्मेदवार टुंगाउनुपर्ने वाध्यता बनेको हो ।
काठमाडौं, ९ माघ – राजनीतिक दलहरुले आज राष्ट्रियसभा सदस्यको उम्मेदवार टुंगाउनुपर्ने वाध्यता बनेको छ । निर्वाचन आयोगको कार्यतालिका अनुसार माघ २४ मा हुने राष्ट्रियसभा सदस्य निर्वाचनका लागि भोलि उम्मेदवार मनोनयन गर्नुपर्नेछ ।
त्यसैले दलहरुले आफ्ना उम्मेदवार टुंगाउनुपर्ने वाध्यता बनेको हो । नेकपा माओवादी केन्द्रले आफ्नो भागमा परेको राष्ट्रियसभा सदस्यका लागि १४ उम्मेदवार आज छान्दैछ । उम्मेदवार छान्नका लागि पार्टीका तीनजना शीर्ष नेतालाई जिम्मेवारी दिइएको छ ।
बाम गठबन्धनबाट १४ जना राष्ट्रिय सभाका उम्मेदवार छान्ने जिम्मा पार्टी अध्यक्ष पुष्पकमल दाहाल, नारायणकाजी श्रेष्ठ र रामबहादुर थापालाइ दिइएको छ ।
आज वैठक बसे टुंगो लगाउने माओवादी केन्द्रकी प्रवक्ता पम्फा भुसालले जानकारी दिइन ।
बाँडफाँडमा एमालेलाई २९ सिट र माओवादी केन्द्रलाई १४ सिट भागमा परेको हो । सातवटै प्रदेशमा एमाले र माओवादी केन्द्रबीच तालमेल गरी विभिन्न क्लस्टरको बाँडफाँड गरिएको छ ।
उता, नेपाली कांग्रेसले पनि आज प्रधानमन्त्री निवास बालुवाटारमा कांग्रेसको पार्टी पदाधिकारी र पूर्व पदाधिकारीको वैठक बसी राष्ट्रियसभा सदस्यको उम्मेदवारको टुंगो लगाउने कांग्रेसले जनाएको छ ।
महिला, अल्पसंख्यक, दलित, अपांगता भएका व्यक्ति गरी ५९ जना सदस्य राष्ट्रियसभा रहने संविधानमा व्यवस्था छ ।
प्रतिक्रिया