ओलीले मन्त्री पदको चारो फालेपछि विरोधीको घेराबन्दी तोड्न सफल भए

Abhiyanpost Abhiyanpost
|
आइतबार, श्रावण ३२, २०७७
|
|
११४ पटक हेरिएको
Shares

सारांश

  • समाचार विश्लेषण ।
  • कुनैबेला वीपी कोइरालाले सबैको मुल्य तोकिदिएका थिए ।
  • यतिसम्मकी कसलाई के दिन्छु भन्यो पनि सिद्धान्त र अडानलाई बिसाइदिन्छन् भन्ने सम्म भन्ने गरेका थिए ।

समाचार विश्लेषण । कुनैबेला वीपी कोइरालाले सबैको मुल्य तोकिदिएका थिए । यतिसम्मकी कसलाई के दिन्छु भन्यो पनि सिद्धान्त र अडानलाई बिसाइदिन्छन् भन्ने सम्म भन्ने गरेका थिए । तर, केही यस्ता व्यक्तिको पनि प्रसंग उठाएका थिए जसको मुल्य थिएन न त अडान र एजेन्डा नै छाड्न सक्छन् । सत्तारुढ नेपाल कम्युनिस्ट पार्टीभित्र त्यस्ता मान्छे विरलै छन् भन्ने पछिल्लो घटनाक्रमले देखाएको छ ।

नेकपाभित्र हालै बढेको विवाद सिद्धान्त, विधि र पद्धतिभन्दा पनि पदको लडाईं रहेको घटनाक्रमले पुष्टि गर्दै लगेको छ । त्यसलै आफ्नो राजीनामा मागिएपछि प्रधानमन्त्री केपी शर्मा ओलीले घेराबन्दी गर्ने समुहलाई हल्का रुपमा लिए । उनले राजीनामा नदिने अडान कसिरहे । पार्टीका हेभिवेटहरु अध्यक्ष प्रचण्ड, वरिष्ठ नेताद्वय माधवकुमार नेपाल र झलनाथ खनाल, उपाध्यक्ष बामदेव गौतम र सचिवालय सदस्यहरु नारायणकाजी श्रेष्ठ र रामबहादुर थापा बादलको घेराबन्दी महाभारतमा अभिमन्युका लागि बनाइएको चक्रव्यु समान थियो । ओलीले त्यो चक्रव्युहलाई तोड्न अनेकन अस्त्र प्रयोग गरे । ती अस्त्रहरु फितलो बनेपछि उनले अन्तिम अस्त्र फाले त्यो हो पदको लोभ ।

सबैभन्दा पहिले उनले बामदेव गौतमलाई पदको चारो फाले । उनका केही मान्छेलाई राजनीतिक नियुक्तिको आश्वासन दिए । गौतमले भनेका केही मान्छेलाई मन्त्रीमा कायमै राख्ने र भविष्यमा पार्टी अध्यक्ष बन्न सहयोग गर्ने सम्म भनेपछि परिस्थिति बदलियो । बामदेव यु टर्न मात्र भएनन् ओलीको योजनामुताबिक बनेको छ बुँदे बनाएर आफ्नो प्रस्ताव भन्दै हिंडे । उनले आफू कुनै गुटमा नभएको भन्दै प्रचण्ड, माधव नेपाल र झलनाथ खनालको समुहलाई परित्याग गरे । उनको भैंसेपाटीस्थित घरमा ओली अतिथिका रुपमा पुगे ।

ओलीले प्रचण्डलाई कमजोर बनाउन उनी निकटस्थहरुलाई पदको लोभ देखाए । प्रचण्डनिकट सांसद र स्थायी कमिटी सदस्यहरुले भने बमोजिम केही नियुक्तिहरु दिलाइदिए । कतिपयलाई भविष्यमा मन्त्री बनाइदिने आश्वासन दिए । प्रचण्डले आफू निकटस्थहरु धमाधम गुमाउन पुगे । उनले गृहमन्त्री रामबहादुर थापा बादल नै टाढिएको बुझे । लेखराज भट्ट खुमलटार आउनै छाडिसकेका थिए । पार्टी एकता बलियो बनाउने नाममा समुह बनाएर टोपबहादुर रायमाझीलगायत नेताहरु बालुवाटारमा हिमचिम गर्न थाले । सबैलाई ओलीले केही न केही पद र अवसरको चारो हालिरहे । जसका कारण प्रचण्ड आफ्नैले साथ छाडेको र कमजोर भएको महशुश गर्न थाले ।

माधवकुमार नेपाल निकट योगेश भट्टराई, घनश्याम भुषाललगायत नेताहरु पनि बामदेवसँग नजिकिदै बालुवाटारसँग बढी निकट हुनथाले । ओलीविरुद्ध कडा अभिव्यक्ति दिदै आएका भीम रावल पनि मथ्थर बन्दै गए । यसका पछाडि ओलीको अस्त्रले काम गरेको विश्लेषण हुनथालेको छ ।

ओलीले पदको चारो हालेर नेकपाभित्र आफूलाई घेराबन्दी गर्ने समुहलाई तितरबितर बनाइदिएका छन् । उनीहरुमा एक अर्काविरुद्ध अविश्वास बढ्ने अवस्था बनाइदिएका छन् । ओलीविरुद्ध भैंसेपार्टीमा बैठक डाकेर समुह खडा गर्ने बामदेव गौतमले नै सबैभन्दा पहिले यु टर्न बन्नुमा पदको अस्त्रले काम गरेको विश्लेषण हुन थालेको छ । कसलाई के गर्दा र के दिन्छु भन्दा चुप लगाउन या आफ्नो पक्षमा पार्न सकिन्छ भन्ने बुझेका ओलीले यसपटक सोही अनुरुपको रणनीति चालेर विरोधीको घेराबन्दी तोड्न सफल भएका छन् ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

गृहमन्त्री बादलद्वारा ‘विश्वासपात्र’ बीरु तामाङमाथि कारबाही
गृहमन्त्री बादलद्वारा ‘विश्वासपात्र’ बीरु तामाङमाथि कारबाही
श्रम र वैदेशिक रोजगारसँग जोडिएका मुद्दा तत्काल सम्बोधन गर्छौं : मन्त्री भण्डारी
श्रम र वैदेशिक रोजगारसँग जोडिएका मुद्दा तत्काल सम्बोधन गर्छौं : मन्त्री भण्डारी
राजकुमार ह्यारीले राजपरिवारबाट अलग भएर आत्मनिर्भर बन्ने घोषणा गरे
राजकुमार ह्यारीले राजपरिवारबाट अलग भएर आत्मनिर्भर बन्ने घोषणा गरे
न्यूनतम साझा कार्यक्रमकै आधारमा जसपा सरकारमा सहभागि हुने
न्यूनतम साझा कार्यक्रमकै आधारमा जसपा सरकारमा सहभागि हुने
‘प्रेमगीत’ नायिकालाई दर्शकको यस्तो प्रेम
‘प्रेमगीत’ नायिकालाई दर्शकको यस्तो प्रेम
त्रियुगा नगरपालिकाको गुरुयोजना कार्यान्वयनमा समस्या नै समस्या
त्रियुगा नगरपालिकाको गुरुयोजना कार्यान्वयनमा समस्या नै समस्या
आज ८५५ जना कोरोना संक्रमित थपिए, ३१३ जना डिस्चार्ज
आज ८५५ जना कोरोना संक्रमित थपिए, ३१३ जना डिस्चार्ज
सन् २०२० भित्र मध्यपहाडी जिल्लामा अप्टिकल फाइबर पुग्ने – प्रम ओली
दाङमा नेकपा कार्यदलको पहिलो बैठक, यस्तो भयो निर्णय
दाङमा नेकपा कार्यदलको पहिलो बैठक, यस्तो भयो निर्णय
पेपर म्यारिजको नाममा चीन र कोरियामा यसरी बेचिन्छन् ‘नेपाली दुलही’
पेपर म्यारिजको नाममा चीन र कोरियामा यसरी बेचिन्छन् ‘नेपाली दुलही’

तपाईंले छुटाउनुभयो कि?