ओली र प्रचण्डबीच फेरि मतभेद

Abhiyanpost Abhiyanpost
|
शुक्रबार, भाद्र १२, २०७७
|
|
६६ पटक हेरिएको
Shares
ओली र प्रचण्डबीच फेरि मतभेद

सारांश

  • नेपाल कम्युनिस्ट पार्टीका अध्यक्षद्वय केपी शर्मा ओली र पुष्पकमल दाहाल प्रचण्डबीच आज बालुवाटारमा गम्भीर छलफल भएको छ ।
  • पार्टी विवाद समाधानका लागि गठित कार्यदलले बुझाएको प्रतिवेदनलाई अन्तिम रुप दिन दुई अध्यक्षबीच भएको छलफल निष्कर्षमा पुगेन ।
  • पार्टीमा जिम्मेवारी बाँडफाँडको विषय र केही महत्वपूर्ण बुँदामा केन्द्रित छलफल निष्कर्षमा पुग्न नसकेपछि सचिवालय बैठक १८ भदौका लागि सारिएको छ ।

नेपाल कम्युनिस्ट पार्टीका अध्यक्षद्वय केपी शर्मा ओली र पुष्पकमल दाहाल प्रचण्डबीच आज बालुवाटारमा गम्भीर छलफल भएको छ । पार्टी विवाद समाधानका लागि गठित कार्यदलले बुझाएको प्रतिवेदनलाई अन्तिम रुप दिन दुई अध्यक्षबीच भएको छलफल निष्कर्षमा पुगेन ।

पार्टीमा जिम्मेवारी बाँडफाँडको विषय र केही महत्वपूर्ण बुँदामा केन्द्रित छलफल निष्कर्षमा पुग्न नसकेपछि सचिवालय बैठक १८ भदौका लागि सारिएको छ । भोलि बस्ने बैठकमा कार्यदलको प्रतिवेदनलाई निष्कर्षमा पुर्याई प्रस्तुत गर्ने तयारी भएको थियो । तर, कुरा मिल्न नसकेपछि सारिएको विश्वस्त स्रोतले जानकारी दिएको छ ।

बालुवाटारमा दुई अध्यक्षबीच छलफलबाट निष्कर्ष निस्कन नसकेपछि कोरोना भाइरसको संक्रमण बढेको भन्दै स्थगित गरिएको जनाइएको छ । यथार्थमा दुई अध्यक्षबीच अझै कुरा मिल्न सकेको छैन । नेकपाभित्र मन्त्रिमण्डल पुर्नगठन पनि छलफलको विषय छ । यसमा पनि दुई अध्यक्षबीच कुराकानी शुरु भएको बुझिएको छ ।

नेकपाभित्र प्रधानमन्त्री ओलीको राजीनामा मागिएपछि विवाद समाधानका लागि कार्यदल गठन गरिएको थियो । कार्यदलप्रति नै केही नेताहरुको असन्तुष्टि रहेको छ ।

(Clonazepam)

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

तपाईंले छुटाउनुभयो कि?