कला, साहित्यका प्रतिष्ठान गाभ्ने विषय अन्यौलमै
सारांश
- काठमाडौँ, १२ असार – संस्कृति, पर्यटन तथा नागरिक उड्ययनमन्त्री रवीन्द्र अधिकारीले कला सहित्य क्षेत्रका तीन वटा प्रतिष्ठानलाई एकै ठाँउमा गाभ्ने निर्णयमा पुर्नविचार गरिने बताएका छन् ।
- अर्थमन्त्री डा युवराज खतिवडाले बजेट वक्तव्यमार्फत नेपाल प्रज्ञा–प्रतिष्ठान, ललितकला प्रतिष्ठान र नेपाल संगीत तथा नाट्य प्रतिष्ठानलाई गाभ्ने घोषणा गरेका थिए ।
- घोषणा गरेको भएपनि तीनवटा प्रतिष्ठानलाई गभिन्छ नै भन्ने निश्चित नभएको मन्त्री अधिकारीले बताए ।
काठमाडौँ, १२ असार – संस्कृति, पर्यटन तथा नागरिक उड्ययनमन्त्री रवीन्द्र अधिकारीले कला सहित्य क्षेत्रका तीन वटा प्रतिष्ठानलाई एकै ठाँउमा गाभ्ने निर्णयमा पुर्नविचार गरिने बताएका छन् ।
अर्थमन्त्री डा युवराज खतिवडाले बजेट वक्तव्यमार्फत नेपाल प्रज्ञा–प्रतिष्ठान, ललितकला प्रतिष्ठान र नेपाल संगीत तथा नाट्य प्रतिष्ठानलाई गाभ्ने घोषणा गरेका थिए ।
घोषणा गरेको भएपनि तीनवटा प्रतिष्ठानलाई गभिन्छ नै भन्ने निश्चित नभएको मन्त्री अधिकारीले बताए । पुस्तक विमोचनको एक कार्यक्रममा मन्त्री अधिकारीले तीन प्रतिष्ठानलाई गाभ्ने(नगाभ्ने विषयमा सुझाव दिन कार्यदल बनाउन लागेको बताए ।
केही दिनमा बनाउने विज्ञहरुको कार्यदललाई प्रतिष्ठानसँगै प्रदेश तथा स्थानीय तहमा कला संस्कृति संरक्षण र प्रवद्र्धनका लागि सुझाव लिन लागिएको जानकारी दिए ।
मन्त्री अधिकारीले प्रतिष्ठानको गठन र नियुक्तिका लागि मापदण्ड बनाउन लागेको र त्यहीअनुसार आफूले पार्टीभन्दा माथि उठेर स्रष्टाको सम्मान गर्ने प्रतिबद्धता व्यक्त गरे ।
प्रतिक्रिया