कोरोना भाइरससँग जुध्न सार्क फेरि सक्रिय हुने, भारत-पाकिस्तान सम्बन्धमा आइसब्रेकको संकेत

Abhiyanpost Abhiyanpost
|
शुक्रबार, फाल्गुन ३०, २०७६
|
|
६३ पटक हेरिएको
Shares
कोरोना भाइरससँग जुध्न सार्क फेरि सक्रिय हुने, भारत-पाकिस्तान सम्बन्धमा आइसब्रेकको संकेत

सारांश

  • काठमाडौं, ३० फागुन ।
  • भारत र पाकिस्तानबीच अहिले सम्बन्ध स्थिर छ ।
  • चिसिएको सम्बन्धका कारण दुवै देशका नेताहरु एक अर्कासँग हात समेत मिलाउन तयार छैनन् ।

काठमाडौं, ३० फागुन । भारत र पाकिस्तानबीच अहिले सम्बन्ध स्थिर छ । चिसिएको सम्बन्धका कारण दुवै देशका नेताहरु एक अर्कासँग हात समेत मिलाउन तयार छैनन् । दुई देशबीच सरकारी र राजनीतिक तहमा वार्ता र छलफल नभएको वर्षौं भइसकेको छ ।

काश्मिरको विषयले भारत र पाकिस्तानबीच द्धन्द्ध छ । एकले अर्कामाथि आरोप प्रत्यारोप गर्दै आएका छन् । जसका कारण सार्क निष्कृयप्रायः छ । सार्क शिखर सम्मेलन हुन सकिरहेको छैन ।

अब भने यसमा आइसब्रेक हुने देखिएको छ । यसको कारण कोरोना भाइरस बनेको छ । अहिले सार्कका सबै देशमा कोरोना भाइरसको संक्रमण देखिइसकेको छ । भारतमा एकजनाको मृत्यु समेत भइसकेको छ ।

कोरोना भाइरसको संक्रमणबाट जुध्न शुक्रबार भारतीय प्रधानमन्त्री नरेन्द्र मोदीले महत्वपूर्ण धारणा सार्वजनिक गरेका छन् । उनले सार्क सदस्य राष्ट्रहरु मिलेर कोरोना भाइरसविरुद्ध बलियो रणनीति बनाउने प्रस्ताव गरे । भिडियो कन्फरेन्समार्फत् सार्क देशका नेताहरुले छलफल गरेर रणनीति बनाउने प्रस्ताव गरे । उनले सिधै पाकिस्तान या कुनै देश विशेषको नाम उच्चारण नगरी सार्क सदस्य राष्ट्रको नाम उच्चारण गरेका छन् । यदि सार्क नेताहरुको भिडियो कन्फरेन्स भएमा मोदीको छलफल पाकिस्तानी प्रधानमन्त्री इमरान खानसँग पनि हुनसक्छ । यो सम्भव भएमा आइसब्रेक हुनसक्छ ।

सार्क देशका नेताहरु एकै थलोमा भेला नभएको वर्षौं भइसकेको छ । यसको मुख्यकारण भारत र पाकिस्तानबीचको तनाव नै हो । अब कोरोना भाइरससँग जुध्नकै लागि भएपनि सबैले तिक्तता र असन्तुष्टि त्यागेर छलफलमा आउनुपर्ने अवस्था बनेको छ ।

मोदीले सार्क देशहरुले कोरोना भाइरसविरुद्ध रणनीति बनाएर विश्वलाई उदाहरण प्रस्तुत गर्नेगरी स्वस्थ ग्रह बनाउन योगदान दिन सक्ने समेत बताएका छन् । मोदीले भनेजस्तै कोरोना भाइरसविरुद्ध संयुक्त रुपमा लड्ने अवस्था बनेको छ । यस्तो अवस्थामा आइसब्रेक हुनसक्छ । सबै नेताहरु छलफलमा आई यस क्षेत्रमा मात्र नभई विश्वलाई नै गतिलो उदाहरण प्रस्तुत गर्न सक्छन् ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

शक्ति बाँडफाँट मिलाएर गर्नुपर्छ, जिद्दी गरेर पार्टी एकता हुँदैन : माओवादी नेता रायमाझी
शक्ति बाँडफाँट मिलाएर गर्नुपर्छ, जिद्दी गरेर पार्टी एकता हुँदैन : माओवादी नेता रायमाझी
एयरपोर्टका कर्मचारीलाई दम्भ छोड भन्नुपर्छ : प्रधानमन्त्री
एयरपोर्टका कर्मचारीलाई दम्भ छोड भन्नुपर्छ : प्रधानमन्त्री
उपराष्ट्रपति पुनले लिए पद तथा गोपनीयताको शपथ
उपराष्ट्रपति पुनले लिए पद तथा गोपनीयताको शपथ
एसिड आक्रमणकारीलाई कडा मृत्यदुण्ड दिन सांसदको माग
एसिड आक्रमणकारीलाई कडा मृत्यदुण्ड दिन सांसदको माग
डडेलधुरामा शेरबहादुर देउवा विजयी, सागरले पाए १३ हजार मत
डडेलधुरामा शेरबहादुर देउवा विजयी, सागरले पाए १३ हजार मत
संविधान कार्यान्वयन हुन नसके देशमा जे पनि हुन सक्छ : सभापति देउवा
संविधान कार्यान्वयन हुन नसके देशमा जे पनि हुन सक्छ : सभापति देउवा
बिरामी भेट्न जाँदा ध्यान दिनुस् है नत्र…
बिरामी भेट्न जाँदा ध्यान दिनुस् है नत्र…
ओखलढुंगाका दुई गाउँपालिकामा एमालेको अग्रता
ओखलढुंगाका दुई गाउँपालिकामा एमालेको अग्रता
कमल थापाको घोषणा : ‘म यो गीता हातमा राखेर भन्छु, राप्रपा फुट्दैन्’
कमल थापाको घोषणा : ‘म यो गीता हातमा राखेर भन्छु, राप्रपा फुट्दैन्’
कञ्चनपुरमा फेरि अर्काे हत्या, स्कुलबाट हराएका १३ वर्षीय बालकको शव खोलामा भेटियो
कञ्चनपुरमा फेरि अर्काे हत्या, स्कुलबाट हराएका १३ वर्षीय बालकको शव खोलामा भेटियो

तपाईंले छुटाउनुभयो कि?