कोरोना संक्रमित महिलाले छोरा जन्माइन्
सारांश
- कोरोना भाइरसको संक्रमित एकजना महिलाले बच्चा जन्माएकी छन् ।
- बुधवार बिहान वीरगंज हेल्थकेयर अस्पतालमा संक्रमित महिलाको शल्यक्रियाबाट छोरा जन्मिएको अस्पतालले जनाएको छ ।
- वीरगंज, रामगढवा निवासी २५ वर्षीय गर्भवती महिला कोरोना संक्रमित भएपछि नेशनल मेडिकल कलेज कोरोना अस्पतालले उपचार गर्न मानेको थिएन ।
कोरोना भाइरसको संक्रमित एकजना महिलाले बच्चा जन्माएकी छन् । बुधवार बिहान वीरगंज हेल्थकेयर अस्पतालमा संक्रमित महिलाको शल्यक्रियाबाट छोरा जन्मिएको अस्पतालले जनाएको छ ।
वीरगंज, रामगढवा निवासी २५ वर्षीय गर्भवती महिला कोरोना संक्रमित भएपछि नेशनल मेडिकल कलेज कोरोना अस्पतालले उपचार गर्न मानेको थिएन । त्यसपछि उनले घरमै अक्सिजन लगाएर उपचार गराइरहेकी थिइन् । यो समाचार सञ्चारमाध्यममा आएपछि नारायणी अस्पतालले उनको भर्ना गरेको थियो ।
त्यहाँबाट महिलालाई वीरगंज हेल्थ केयर अस्पतालमा पठाइएको थियो जहाँ उनको शल्यक्रियाबाट छोरा जन्मिएको नारायणी अस्पतालका डा अबुलहैस अन्सारीले बताए । अहिले आमा र छोरा दुवैको अवस्था ठीक रहेको डा अन्सारीले बताए । बच्चामा कोरोना भए नभएको बारे परीक्षण गरिने उनले बताए ।
कुल कमेन्ट:
0
Abhiyan Post
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया