निर्मला बलात्कार/हत्या प्रकरण झनै रहस्यमयः फेरि बन्यो अर्को छानविन समिति

Abhiyanpost Abhiyanpost
|
आइतबार, भाद्र ३१, २०७५
|
|
५३ पटक हेरिएको
Shares
निर्मला बलात्कार/हत्या प्रकरण झनै रहस्यमयः फेरि बन्यो अर्को छानविन समिति

सारांश

  • काठमाडौं, ३१ भदौ ।
  • कञ्चनपुरकी १३ वर्षीया बालिका निर्मला पन्तको बलात्कारपछि हत्या भएको घटना झनपछि झन रहस्यमय बन्दै गएको छ ।
  • यसअघि गठन गरिएका छानविन समिति तथा उच्चस्तरीय छानविन समितिपछि फेरि डीआइजी धीरु बस्न्यातको नेतृत्वमा ९ सदस्यीय छानबिन समिति गठन गरिएको छ ।

काठमाडौं, ३१ भदौ । कञ्चनपुरकी १३ वर्षीया बालिका निर्मला पन्तको बलात्कारपछि हत्या भएको घटना झनपछि झन रहस्यमय बन्दै गएको छ । यसअघि गठन गरिएका छानविन समिति तथा उच्चस्तरीय छानविन समितिपछि फेरि डीआइजी धीरु बस्न्यातको नेतृत्वमा ९ सदस्यीय छानबिन समिति गठन गरिएको छ ।

नेपाल प्रहरीले डीआईजी धीरु बस्न्यातको नेतृत्वमा गठन गरेको ९ सदस्यीय समिति भदौ १४ मा गठित एसएसपी उत्तम सुवेदी नेतृत्वको समितिलाई विस्तार गरिएको बताइएको छ । विस्तारित समितिमा प्रहरी मुख्यालयले निर्मला प्रकरणको छानबिनको जिम्मेवारी डीआईजी बस्न्यातलाई सुम्पेको हो ।

शक्तिशाली भनिएको यस छानबिन समितिमा यसअघि गठित समितिका संयोजक एसएसपी उत्तम सुवेदी र अर्का एसएसपी नरेश शाही सदस्य छन् । नेपाल प्रहरीका प्रवक्ता एसएसपी शैलेश थापाका अनुसार समितिमा सीबीआर र पोलिग्राफ टेस्ट गर्नसक्ने विज्ञ प्रहरी अधिकृतहरुलाई पनि सदस्य तोकिएको छ ।

“निर्मलाको बलात्कार र हत्यामा संलग्नलाई पत्ता लगाउन अनुसन्धानको दायरा अझै फराकिलो बनाउनु जरुरी थियो”, प्रहरी प्रवक्ता थापाले थपे, “पहिले एकजना एसपी मात्रै निलम्बनमा थिए । हिजो दुई डीएसपीसहित अन्य पाँचजना अधिकृत पनि निलम्बनमा परेका छन् । त्यसकारण छानबिनलाई प्रभावकारी बनाउन यसो गरिएको हो ।”

निर्मला पन्तको हत्या भएको ५३ दिन बितिसक्दा पनि अपराधी पत्ता लाग्न सकेको छैन । बलात्कारी तथा हत्यारा पत्ता लगाउन सरकारमाथि देशव्यापी दबाब बढिरहेको बेला प्रहरी प्रधान कार्यालयले सम्पूर्ण अधिकारसहित डीआईजीलाई छानबिनको जिम्मा सुम्पिएको हो । थापाका अनुसार निर्मला हत्यामा संलग्न भएको भन्दै एसपी डिल्लीराज विष्टसहितले मुख्य अभियुक्त बनाएका दिलीपसिंह विष्ट र अर्का युवा चक्र बडूको डीएनए रिपोर्ट नेगेटिभ आएको सन्दर्भमा अपराधी पत्ता लगाउने सबै विधि यो समितिलले प्रयोग गर्नेछ ।

यो समितिले निलम्बनमा परेका सबै प्रहरी अधिकृतसँग बयान लिनेछ । बयानमा उनीहरुका कुरा सही या गलत भएको पत्ता लगाउने विकसित प्रविधि समेत यो समितिले प्रयोग गर्ने बताइएको छ । प्रवक्ता थापाका अनुसार गहन अनुसन्धानका लागि यो समितिले सीबीआर र पोलिग्राफ टेस्ट पनि गर्नेछ । थापाका अनुसार ९ सदस्यीय समितिमा आपराधिक घटनामा गहन अनुसन्धान गर्दै आएका अधिकृतहरु छन् । “यो समितिलाई विज्ञ प्रहरीको टोली भन्दा पनि हुन्छ”, प्रवक्ता थापाले भने, “हामीमाथिको यो गम्भीर चुनौतीलाई पार लगाउने गरी समितिले काम थालिसकेको छ ।” निर्मला हत्याकाण्डपछि घटना ढाकछोपमा संलग्न भएका प्रहरी अधिकृतलाई कारबाहीका लागि समेत यो समितिले सिफारिस गर्नेछ ।

घटना छानबिन गर्न गृह मन्त्रालायले सहसचिव हरिप्रसाद मैनालीको नेतृत्वमा पनि उच्चस्तरीय समिति बनाएको थियो । मैनालीको नेतृत्वको समितिले निर्मला प्रकरणमा प्रहरीबाट गम्भीर लापरबाही भएको र अनुसन्धान पनि फितलो भएको भन्दै नयाँ शिराबाट अनुसन्धान गरिनुपर्ने सिफारिस गृहमन्त्रीसमक्ष गरिसकेको छ ।

गत साउन १० गते घरबाट साथीकहाँ हिँडेकी कञ्चनपुरको भीमदत्तनगरपालिका–२ खोल्टीकी १३ वर्षीया बालिका निर्मला पन्त साउन ११ गते मृत अवस्थामा उखुबारीमा भेटिएकी थिइन् । उनको बलात्कारपछि हत्या भएको पुष्टि डीएनए परीक्षणबाट भइसकेको छ ।

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

यो पनि पढौँ

पहाड चढ्यो लामखुट्टे, झुलभित्र सुत्न चिकित्सकको सल्लाह
पहाड चढ्यो लामखुट्टे, झुलभित्र सुत्न चिकित्सकको सल्लाह
महिला भलिबलमा गण्डकी प्रदेशको विजयी सुरुवात
महिला भलिबलमा गण्डकी प्रदेशको विजयी सुरुवात
बल्झिदै सीमा विवाद, बंकर बनाउँदै चीन अनि गस्ती बढाउँदै भारत
बल्झिदै सीमा विवाद, बंकर बनाउँदै चीन अनि गस्ती बढाउँदै भारत
ओली प्रचण्ड मिले कम्युनिस्ट नेतृत्वको सरकार !
ओली प्रचण्ड मिले कम्युनिस्ट नेतृत्वको सरकार !
बागमती प्रदेशकी मुख्यमन्त्री अष्टलक्ष्मी शाक्यलाई चिनौ
बागमती प्रदेशकी मुख्यमन्त्री अष्टलक्ष्मी शाक्यलाई चिनौ
सीमानासम्म थुतुनोमात्र घुसार्ने रेलको कुरा गरेको होइन, पूर्व–पश्चिमको हो: प्रधानमन्त्री ओलीसँगको अन्तर्वार्ता
सीमानासम्म थुतुनोमात्र घुसार्ने रेलको कुरा गरेको होइन, पूर्व–पश्चिमको हो: प्रधानमन्त्री ओलीसँगको अन्तर्वार्ता
नेपाल र दक्षिण कोरियाबीच कामदार लैजाने सम्झौता नविकरण
नेपाल र दक्षिण कोरियाबीच कामदार लैजाने सम्झौता नविकरण
डीपीएललाई अन्तर्राष्ट्रिय क्रिकेट काउन्सिलको मान्यता
डीपीएललाई अन्तर्राष्ट्रिय क्रिकेट काउन्सिलको मान्यता
नेपाली कांग्रेसमा धमाधम कारवाही, २५ जिल्लाबाट १८३ जना निष्कासित
नेपाली कांग्रेसमा धमाधम कारवाही, २५ जिल्लाबाट १८३ जना निष्कासित
कोरोना भाइरसका कारण उपत्यका छाड्नेको सङ्ख्यामा वुद्धि
कोरोना भाइरसका कारण उपत्यका छाड्नेको सङ्ख्यामा वुद्धि

तपाईंले छुटाउनुभयो कि?