नेकपा वैठकमा दुई अध्यक्षको खुलेरै आलोचना
सारांश
- काठमाडौं ।
- नेकपाको स्थायी कमिटीको वैठकले अध्यक्षद्वय केपी ओली र पुष्पकमल दाहाल प्रचण्डले पेस गरेको राजनीतिक दस्ताबेज परिमार्जनसहित पारित गरेको छ ।
- शुक्रबार सकिएको वैठकमा अध्यक्षद्धयको खुलेरै आलोचना भएको थियो ।
काठमाडौं । नेकपाको स्थायी कमिटीको वैठकले अध्यक्षद्वय केपी ओली र पुष्पकमल दाहाल प्रचण्डले पेस गरेको राजनीतिक दस्ताबेज परिमार्जनसहित पारित गरेको छ । शुक्रबार सकिएको वैठकमा अध्यक्षद्धयको खुलेरै आलोचना भएको थियो ।
अध्यक्षहरुको दस्तावेजमा विवाद भएपछि परिमार्जन गरी पारित भएको हो । १४ दिनसम्म बसेको स्थायी कमिटी वैठकमा नेताहरूले दुईजना अध्यक्षको खुलेर आलोचना गरे । ओलीले पार्टी र सरकारमा गल्ती गरेको औँल्याउँदै आत्मालोचना गर्नुपर्ने माग गरे, अध्यक्षको राजनीतिक प्रतिवेदनमा पनि आपत्ति जनाए ।
बिहीबारको बैठकमा अध्यक्षको दस्ताबेज जस्ताको तस्तै पारित गर्न खोजेपछि नेताहरूले मानेका थिएनन् । परिमार्जनका लागि वामदेव गौतम, घनश्याम भुसाल, भीम रावलले प्रतिवाद गरेका थिए । दस्ताबेज परिमार्जनसहित अध्यक्षद्वयले सचिवालय बैठकमा पेश गर्नेछन् । त्यसपछि सचिवालयबाट पारित भएपछि पार्टी दस्ताबेज बन्नेछ ।
ओली–प्रचण्डजीले दस्ताबेज परिमार्जन गर्ने भनेपछि बैठकबाट पारित भएको हो । तर दस्तावेजमा कुन विषय परिमार्जन गर्ने भन्ने टुंगो छैन ।
प्रतिक्रिया