नेपाल प्रहरी श्रीमती संघद्धारा पूर्व अध्यक्ष लगायतका पदाधिकारीहरुलाई बिदाइ

काठमाडौं, १९ भदौ
नेपाल प्रहरी श्रीमती संघकी पूर्व अध्यक्ष रोशी अर्याल एवं पूर्व उपाध्यक्ष तथा पदाधिकारीहरुलाई सोमबार आयोजित एक समारोहबिच बिदाई कार्यक्रम सम्पन्न भएको छ ।
पूर्व अध्यक्ष  रोशी अर्यालले आगामी दिनमा समेत सामाजिक परोपकार कार्यमा संघले आफ्नो उद्धेश्य पुरा गर्नका लागि थप सक्रियताका साथ कार्य गर्ने छ भन्ने विश्वास व्यक्त गर्नुभयो ।
कार्यक्रममा संघकी अध्यक्ष सिमा अर्यालले पूर्व पदाधिकारीहरुको संस्थाप्रतिको निष्पक्षता, धैर्य, अठोट, संकल्प र परिश्रमको फलस्वरुप संस्थाले भुकम्प लगायत प्राकृतिक विपत्ति तथा अन्य सामाजिक क्षेत्रमा अहोरात्र कार्य गर्न सफल भएको बताउनुभयो । साथै आगामी दिनमा समेत पूर्व पदाधिकारीहरुबाट राय, सल्लाह सुझावको अपेक्षा गरेको उल्लेख गर्नुभयो । समारोहमा संघकी अध्यक्ष सिमा अर्यालले पूर्व पदाधिकारीहरुलाई बिदाईको चिनो समेत प्रदान गर्नुभयो ।
कार्यक्रममा संघका पदाधिकारी एंव पूर्व पदाधिकारीहरुको उपस्थिति रहेको थियो ।