प्रदेश ५ मा आज मन्त्री थप्दै मुख्यमन्त्री पोखरेल
सारांश
- काठमाडौं, ५ चैत- प्रदेश नम्बर ५ मा आज मन्त्री थपिंदैछन् ।
- सरकार गठन एक महिनापछि मुख्यमन्त्री शंकर पोखरेलले मन्त्रिमण्डल विस्तारको तयारी गरेका हुन् ।
- एक महिना अघि मुख्त्रीमन्त्री पोखरेल सहित तीन सदस्यीय सरकार बनेको थियो।
काठमाडौं, ५ चैत- प्रदेश नम्बर ५ मा आज मन्त्री थपिंदैछन् । सरकार गठन एक महिनापछि मुख्यमन्त्री शंकर पोखरेलले मन्त्रिमण्डल विस्तारको तयारी गरेका हुन् ।
एक महिना अघि मुख्त्रीमन्त्री पोखरेल सहित तीन सदस्यीय सरकार बनेको थियो। आज सोमबार उनले तीनजना मन्त्री थप्ने तयारी गरेको बताइएको छ । मन्त्री हुनेमा एमालेबाट २ र माओवादीबाट १ रहेका छन् । एमालेबाट रूपन्देहीका लीला गिरी र बाँकेकी आरती पौडेल भने माओवादीबाट गुल्मीका सुदर्शन बराल मन्त्री हुँदैछन् ।
यसअघि मुख्यमन्त्री पोखरेल, आन्तरिक मामिला तथा कानुन मन्त्री माओवादीका कुलप्रसाद केसी र भौतिक पूर्वाधार तथा विकास मन्त्री एमालेका बैजनाथ चौधरी नियुक्त भएका थिए । मन्त्रीमा जाने आकांक्षी बढेपछि प्रदेश सरकारले पनि मन्त्रालय फुटाउने तयारी गरेको बताइएको छ ।
कुल कमेन्ट:
0
Abhiyan Post
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया