प्रधानमन्त्री ओलीसँग नराम्रोसँग पड्किए प्रचण्ड, सचिवालय बैठक भोलि
सारांश
- काठमाडौं, २० माघ ।
- सत्तारुढ दल नेपाल कम्युनिष्ट पार्टी (नेकपा) का अध्यक्षद्धय केपी शर्मा ओली र पुष्पकमल दाहाल ‘प्रचण्ड’ बीच आज डेढ घण्टा भेटवार्ता भएको छ ।
- स्रोतका अनुसार सरकारको प्रस्तुति खासै राम्रो नभएपछि जनस्तरबाटै आलोचना भएको भन्दै प्रचण्ड ओलीसँग रुष्ट छन् ।
काठमाडौं, २० माघ । सत्तारुढ दल नेपाल कम्युनिष्ट पार्टी (नेकपा) का अध्यक्षद्धय केपी शर्मा ओली र पुष्पकमल दाहाल ‘प्रचण्ड’ बीच आज डेढ घण्टा भेटवार्ता भएको छ ।
स्रोतका अनुसार सरकारको प्रस्तुति खासै राम्रो नभएपछि जनस्तरबाटै आलोचना भएको भन्दै प्रचण्ड ओलीसँग रुष्ट छन् । त्यही भएर प्रचण्ड आज ओलीलाई भेट्न बालुवाटर पुगेका थिए । सरकार सञ्चालनबारे पार्टीमा कुनै सरसल्लाह नभएकोमा प्रचण्ड ओलीसँग रुष्ट थिए ।
अब पनि यसरी नै अघि बढ्ने हो भने सह्य नहुने ओलीलाई प्रचण्डको चेतावनी थियो । सरकार सञ्चालन गर्ने हरेक विषयमा पार्टीभित्र सरसल्लाह हुनुपर्ने प्रचण्डको भनाई थियो ।
प्रचण्ड कडा रुपमा प्रस्तुति भएपछि ओलीले भोलि सचिवालय बैठक डाकेका छन् । पार्टीको सांगठानिक एकता टुँगो लगाउन गठित कार्यदलले काम गर्न नसकेको भन्दै प्रचण्डले अब कार्यदललाई हस्तक्षेप गरेर भएपनि अघि बढ्न ओलीलाई आग्रह गरेका छन् ।
प्रतिक्रिया