प्रहरी जनमुखी, पारदर्शी र संविधानअनुरुप चल्नुपर्नेमा जोड

Abhiyanpost Abhiyanpost
|
आइतबार, माघ २८, २०७४
|
|
५२ पटक हेरिएको
Shares
प्रहरी जनमुखी, पारदर्शी र संविधानअनुरुप चल्नुपर्नेमा जोड

सारांश

  • पोखरा, २८ माघ , प्रदेश प्रहरी कार्यालय पोखराको नवनिर्मित सुविधासम्पन्न भवन आज उद्घाटन गरिएको छ ।
  • नेपाल सरकार, भौतिक पूर्वाधार विकास कार्यक्रमअन्तर्गत करीव रु चार करोड ४८ लाखको लागतमा बनेको सो तीनतले पक्की भवनमा ३० कोठा छन् ।
  • पार्दीस्थित तत्कालीन पश्चिमाञ्चल क्षेत्रीय कार्यालयको हातामा निर्मित उक्त भवनको प्रहरी महानिरीक्षक प्रकाश अर्यालले आज यहाँ उद्घाटन गर्दै प्रहरी जनमुखी, पारदर्शी र संविधानअनुरुप चल्नुपर्नेमा जोड दिनुभयो ।

पोखरा, २८ माघ , प्रदेश प्रहरी कार्यालय पोखराको नवनिर्मित सुविधासम्पन्न भवन आज उद्घाटन गरिएको छ ।

नेपाल सरकार, भौतिक पूर्वाधार विकास कार्यक्रमअन्तर्गत करीव रु चार करोड ४८ लाखको लागतमा बनेको सो तीनतले पक्की भवनमा ३० कोठा छन् । पार्दीस्थित तत्कालीन पश्चिमाञ्चल क्षेत्रीय कार्यालयको हातामा निर्मित उक्त भवनको प्रहरी महानिरीक्षक प्रकाश अर्यालले आज यहाँ उद्घाटन गर्दै प्रहरी जनमुखी, पारदर्शी र संविधानअनुरुप चल्नुपर्नेमा जोड दिनुभयो ।

पोखरा लेखनाथ महानगरपालिकाका प्रमुख मानबहादुर जिसीले प्राकृतिक सौन्दर्यले युक्त पोखरामा शान्ति सुरक्षाको प्रत्याभूति भएमा पर्यटन प्रवद्र्धनमा सहयोग पुग्ने विश्वास व्यक्त गर्नुभयो । कास्कीका प्रजिअ तारानाथ अधिकारीले शान्ति सुरक्षामा देखिएका चुनौतीको सामना गर्न प्रहरीलाई प्रविधियुक्त बनाउँदै लैजानुपर्ने औँल्याउनुभयो ।

प्रदेश नं ४ कार्यालय पोखराका प्रमुख प्रहरी अतिरिक्त महानिरीक्षक कमलसिंह बलले मुलुकमा भएको १० वर्षे जनयुद्ध र भूकम्पका कारण प्रहरी कार्यालयका भौतिक संरचना ध्वस्त भए पनि प्रहरीले जनताको सेवामा समर्पित हुँदै आएको जानकारी दिनुभयो । कार्यक्रममा प्रहरी नायब महानिरीक्षक पुष्पचन्द्र रञ्जितले नवनिर्मित भवनसम्बन्धी प्रतिवेदन प्रस्तुत गर्दै भौतिक संरचना निर्माणले प्रदेशको शान्ति सुव्यवस्था कायम गर्न सहयोग पुग्ने बताउनुभयो ।

(voiceoverherald.com)

प्रतिक्रिया

कमेन्ट लेख्नुहोस्

तपाईंको इमेल ठेगाना प्रकाशित हुनेछैन। आवश्यक फिल्डहरू चिन्ह लगाइएका छन् *

कुल कमेन्ट: 0
यो खबर पढेर तपाईंलाई कस्तो महसुस भयो ?

तपाईंले छुटाउनुभयो कि?